எனது படத்தில் விஜயகாந்த் நடிப்பது உண்மை தான்: மீண்டும் உறுதி செய்த இயக்குனர்
- IndiaGlitz, [Saturday,February 26 2022]
விஜய் ஆண்டனி நடிக்கும் திரைப்படத்தில் விஜயகாந்த் நடிக்க இருப்பதாக வெளிவந்த செய்தியை பிரேமலதா விஜயகாந்த் மறுத்த நிலையில் தற்போது விஜயகாந்த் நடிப்பது உண்மைதான் என இயக்குனர் கூறியிருப்பது பெரும் பரபரப்பை ஏற்படுத்தி உள்ளது.
விஜய் ஆண்டனி நடிப்பில், விஜய் மில்டன் இயக்கத்தில் உருவாகி வரும் திரைப்படம் ’மழை பிடிக்காத மனிதன்’. இந்த படத்தின் படப்பிடிப்பு இறுதி கட்டத்தில் உள்ளது. இந்த நிலையில் இந்த படத்தில் சிறப்பு தோற்றத்தில் விஜயகாந்த் நடிக்க இருப்பதாக கடந்த டிசம்பர் மாதம் செய்திகள் வெளியானது. ஆனால் இந்த செய்தியை விஜயகாந்தின் மனைவி பிரேமலதா விஜயகாந்த் மறுத்தார். விஜயகாந்த் எந்த திரைப் படத்திலும் நடிக்கவில்லை என்றும் அவர் திரைப் படத்தில் நடிப்பதாக வெளிவந்த தகவல் தவறானது என்றும் தெரிவித்திருந்தார்.
இந்த நிலையில் இயக்குனர் விஜய் மில்டன் சமீபத்தில் அளித்த பேட்டியில் ’மழை பிடிக்காது மனிதன்’ படத்தில் நடிகர் விஜயகாந்த் நடித்த உள்ளது உண்மைதான் என்றும் அவர் நடிப்பதாக தன்னிடம் தெரிவித்துள்ளதாகவும் கூறினார். மேலும் இந்த படத்தில் ஒரு பெரிய மனிதர் கேரக்டரில் விஜயகாந்த் நடிக்கிறார் என்றும், காலமும் அவரது உடல்நிலையும் சரியாக இருந்தால் அடுத்த கட்ட படப்பிடிப்பில் அவர் கலந்து கொள்வார் என்றும் விஜய் மில்டன் தெரிவித்துள்ளார்.