பிரபல நடிகர் தனது அம்மாவுடன் சென்று கும்பமேளாவில் புனித நீராடிய புகைப்படம் இணையத்தில் வைரலாகி வருகிறது.

உத்தரபிரதேசம் மாநிலம் பிரயாக்ராஜ் நகரில் நடைபெற்று வரும் கும்பமேளா நிகழ்ச்சி கடந்த சில நாட்களாக நடைபெற்று வரும் நிலையில் திரிவேணி சங்கமத்தில் பல பிரபலங்கள் புனித நீராடி வருகின்றனர்.

அந்த வகையில், தெலுங்கு திரையுலகின் பிரபல நடிகர் விஜய் தேவரகொண்டா தனது அம்மாவுடன் சென்று திரிவேணி சங்கமத்தில் புனித நீராடிய புகைப்படம் இணையத்தில் வைரல் ஆகி வருகிறது. இந்த புகைப்படத்திற்கு லைக்ஸ், கமெண்ட்ஸ் குவிந்து வருகிறது.

இந்த நிலையில், விஜய் தேவரகொண்டா தற்போது தனது 12வது படத்தில் நடித்து வருகிறார். இந்த படத்தின் டைட்டில் டீசர் நாளை மறுநாள், அதாவது பிப்ரவரி 12ஆம் தேதி வெளியாக உள்ளது என்பது குறிப்பிடத்தக்கது.

கடந்த ஆண்டு விஜய் தேவரகொண்டா நடித்த "The Family Star" திரைப்படம் எதிர்பார்த்த வெற்றியை பெறாத நிலையில், அவருடைய 12வது படம் நல்ல வரவேற்பு பெறும் என்று எதிர்பார்க்கப்படுகிறது.