close
Choose your channels

கேரள வெள்ளம்: உடனடியாக களத்தில் இறங்கிய விஜய் ரசிகர்கள்

Saturday, August 10, 2019 • தமிழ் Comments

புயல், கனமழை, வெள்ளம் என இயற்கை பேரிடர்கள் வரும்போதெல்லாம் சினிமா ரசிகர்கள் களத்தில் இறங்கி நிவாரணப்பணிகள் செய்து வருவது தெரிந்ததே. சென்னை வெள்ளம், டெல்டா பகுதியில் ஏற்பட்ட புயல் ஆகியவைகளின் போது அஜித், விஜய் உள்பட பல்வேறு நடிகர்களின் ரசிகர்கள் களத்தில் இறங்கி நிவாரணப்பணிகள் செய்தனர்.

இந்த நிலையில் கடந்த ஆண்டு கேரள மாநிலம் வெள்ளத்தால் பாதிக்கப்பட்டபோது தளபதி விஜய் தனது ரசிகர் மன்ற நிர்வாகிகளின் மூலம் நிவாரண பணிக்கு பேருதவி செய்தார். இந்த நிலையில் தற்போது மீண்டும் கேரள மாநிலம் கனமழை மற்றும் வெள்ளத்தால் பாதிக்கப்பட்ட நிலையில் கொல்லத்தில் உள்ள விஜய் ரசிகரகள் ஒரு வேனில் அந்த பகுதி மக்களுக்கு தேவையான உணவு உள்பட அத்தியாவசிய பொருட்களை எடுத்து சென்று வழங்கி வருகின்றனர்.

இதேபோல் இன்னும் பல பாதிக்கப்பட்ட பகுதிகளுக்கு விஜய் ரசிகர்கள் சென்று நிவாரண பொருட்களை வழங்கவுள்ளனர். விஜய் ரசிகர்களை அடுத்து மற்ற மாஸ் நடிகர்களின் ரசிகர்களும் களத்தில் இறங்கி வெள்ளத்தால் பாதிக்கப்பட்ட மக்களுக்கு உதவி செய்ய முன்வர வேண்டும் என்பதே அனைவரின் கோரிக்கையாக உள்ளது
 

Get Breaking News Alerts From IndiaGlitz