close
Choose your channels

மாநில அளவில் தவெக தலைவர் விஜய் நடத்தும் ஆலோசனை கூட்டம்: தேதி அறிவிப்பு..!

Saturday, June 8, 2024 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தளபதி விஜய் மாநில அளவில் தனது கட்சியின் நிர்வாகிகள் கூட்டத்தை நடத்த இருப்பதை அடுத்து மாநில மற்றும் மாவட்ட நிர்வாகிகளுக்கு அழைப்பு விடுக்கப்பட்டுள்ளதாக தகவல் வெளியாகியுள்ளன.

கடந்த சில மாதங்களுக்கு முன்னர் தளபதி விஜய், தமிழக வெற்றிக் கழகம் என்ற அரசியல் கட்சியை தொடங்கினார் என்பதும் இந்த கட்சி வரும் 2026 ஆம் ஆண்டு நடைபெறும் சட்டமன்ற தேர்தலில் போட்டியிடும் என்றும் அறிவிக்கப்பட்டிருந்தது.

இந்த நிலையில் ’தளபதி 69 ’படத்தை முடித்துவிட்டு அதன் பின்னர் திரைப்படங்களில் நடிக்க மாட்டேன் என்றும் முழுவதுமாக அரசியலில் ஈடுபட போவதாகவும் விஜய் தெரிவித்து இருந்தார். மேலும் ’கோட்’ படத்தின் படப்பிடிப்பின் போது கிடைத்த ஓய்வு நேரத்தில் கூட அவர் அரசியல் ஆலோசனை செய்து வந்ததாகவும் கூறப்பட்டது.

இந்த நிலையில் சற்று முன் வெளியான தகவலின் படி சென்னை பனையூரில் வரும் 18ஆம் தேதி தமிழக வெற்றிக் கழகத்தின் மாநில, மாவட்ட நிர்வாகிகள் கூட்டம் நடைபெறுவதாக அறிவிக்கப்பட்டுள்ளது.

இந்த ஆலோசனை கூட்டத்தில் விஜய்யின் பிறந்தநாள் கொண்டாட்டம் குறித்தும், புதிய நிர்வாகிகள் நியமனம் செய்வது குறித்தும் ஆலோசிக்கப்படும் என்றும் அது மட்டுமின்றி 10ஆம் வகுப்பு 12ஆம் வகுப்பு பொது தேர்வில் வெற்றி பெற்ற மாணவ மாணவிகளுக்கு ஊக்கத்தொகை வழங்கும் நிகழ்ச்சி ஏற்பாடு குறித்தும் ஆலோசனை செய்யப்படும் என்றும் கூறப்படுகிறது.

மேலும் வரும் 18ஆம் தேதி ஆலோசனை கூட்டம் முடிந்த பிறகு ஒரு முக்கிய அறிவிப்பு வெளியாகும் என்று எதிர்பார்க்கப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Login to post comment
Cancel
Comment