close
Choose your channels

திடீரென தெலுங்கில் டிரெண்ட் ஆகும் விஜய்யின் ஹேஷ்டேக்: என்ன காரணம்?

Wednesday, January 26, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தளபதி விஜய் குறித்த ஹேஷ்டேக்குகள் அவ்வப்போது சமூக வலைதளங்களில் டிரெண்ட் ஆவது சர்வசாதாரண ஒன்று என்பதும் வாரத்திற்கு இரண்டு முறையாவது விஜய்யின் ஹேஷ்டேக்குகள் ட்ரெண்டாகும் என்பதும் தெரிந்ததே. இந்த நிலையில் திடீரென தெலுங்கிலும் விஜய் ஹேஷ்டேக் தற்போது டிரெண்டாகியுள்ளது.

தளபதி விஜய் நடிப்பில் கடந்த 2012ஆம் ஆண்டு வெளியான ’நண்பன்’ திரைப்படம் முதல் முதலாக தெலுங்கிலும் டப் செய்யப்பட்டு ரிலீஸானது என்பதும் இந்த படம் தெலுங்கிலும் நல்ல வரவேற்பைப் பெற்றது என்பது குறிப்பிடத்தக்கது. அதன்பின்னர் விஜய்யின் பல திரைப்படங்கள் தமிழில் வெளியாகும் போது தெலுங்கிலும் வெளியானது.

இந்த நிலையில் தற்போது நேரடியாகவே விஜய் ஒரு தெலுங்கு படத்தில் நடிக்க ஒப்பந்தமாகி உள்ளார் என்பதும் அது தான் அவர் நடிக்கயிருக்கும் 66வது திரைப்படம் என்பதும் இந்த படத்தை பிரபல தெலுங்கு இயக்குனர் வம்சி இயக்கவுள்ளார் என்பதும், தெலுங்கு தயாரிப்பாளர் தில் ராஜூ தயாரிக்கவுள்ளார் என்பதும் அனைவரும் அறிந்ததே.

இந்த நிலையில் ’நண்பன்’ திரைப்படம் தெலுங்கில் வெளியாகி 10 ஆண்டுகள் ஆனதை அடுத்து ஆந்திரா மற்றும் தெலுங்கானா மாநிலங்களில் உள்ள விஜய் ரசிகர்கள் விஜய்யின் 10 ஆண்டுகள் என்ற ஹேஷ்டேக்கை டுவிட்டர் உள்ளிட்ட சமூக வலைத்தளங்களில் தெலுங்கில் ட்ரெண்டாக்கி வருகின்றனர்.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.