close
Choose your channels

விஜய்-ஜிவி பிரகாஷ் கூட்டணி செய்த சாதனை: சமூக வலைத்தளங்களில் டிரெண்ட்!

Tuesday, June 2, 2020 • தமிழ் Comments

தளபதி விஜய் நடித்த திரைப்படங்கள் பல சாதனைகள் தொடர்ந்து செய்து கொண்டிருப்பதை அவ்வப்போது பார்த்து வருகிறோம். அந்த வகையில் தளபதி விஜய் நடிப்பில் அட்லி இயக்கத்தில் ஜீவி பிரகாஷ் இசையில் உருவான ’தெறி’ திரைப்படத்தில் இடம்பெற்றா பாடல் ஒன்று செய்த புதிய சாதனை ஒன்று தற்போது சமூக வலைதளங்களில் டிரென்ட் ஆகியுள்ளது.

விஜய், சமந்தா, எமிஜாக்சன் நடிப்பில் உருவான திரைப்படமான ’தெறி’ கடந்த 2016ஆம் ஆண்டு வெளியாகி மிகப்பெரிய வெற்றி பெற்றது என்பது தெரிந்ததே. இந்த நிலையில் இந்த படத்தில் இடம்பெற்ற ’உன்னாலே எந்நாளும் என் ஜீவன் வாழுதே’ என்ற பாடல் யூடிபில் ஒரு மில்லியன் பார்வையாளர்களை பெற்றுள்ளதாக இசையமைப்பாளர் ஜிவி பிரகாஷ் அவர்கள் தனது சமூக வலைத்தளத்தில் தெரிவித்துள்ளார். மேலும் இந்த பாடல் தனக்கு மிகவும் பிடித்த பாடல் என்றும் இந்த பாடலுக்கு உரிய மரியாதையை அளித்த பார்வையாளர்களுக்கு தனது நன்றி என்றும் அவர் தெரிவித்துள்ளார். மேலும் இந்த படம் ஜிவி பிரகாஷ் இசை அமைத்து 50வது திரைப்படம் என்பதும் குறிப்பிடத்தக்கது.

மேலும் இந்த பாடல் ஒரு மில்லியன் பார்வையாளர்களை பெற்றதாக ஜிவி பிரகாஷ் தனது சமூக வலைத்தளத்தில் தகவல் தெரிவித்ததன் காரணமாக விஜய் ரசிகர்கள் இதுகுறித்த ஹேஷ்டேக்கை சமூகவலைதளத்தில் உருவாக்கி அதனை ட்ரெண்டாக்கி வருகின்றனர். விஜய் சமந்தாவின் காதல், அதன் பின் திருமணம், பின்னர் குழந்தை பிறப்பது, குழந்தைக்கு பெயர் வைப்பது உள்ளிட்ட அனைத்து காட்சிகளுமே இந்த ஒரே பாடலில் இருக்கும் என்பது குறிப்பிடத்தக்கது.
 

Get Breaking News Alerts From IndiaGlitz