அடுத்த சூப்பர் ஸ்டார் விஜய் தான்: சீமான்
- IndiaGlitz, [Friday,August 30 2019]
நாம் தமிழர் கட்சியின் ஒருங்கிணைப்பாளர் சீமான் இன்று செய்தியாளர்களை சந்தித்தபோது ரஜினிக்கு அடுத்து திரையுலகில் முதலிடத்தில் விஜய் தான் இருப்பார் என்றும் ரஜினியால் இன்னும் எத்தனை படங்கள் நடிக்க முடியும் என்றும், ரஜினியை அடுத்து அடுத்த சூப்பர் ஸ்டார் விஜய் தான் என அவரது தாய் சொன்னது சரியே என்று கூறினார்.
மேலும் நான் முன்னிலைப்படுத்தித்தான் விஜய் முன்னிலைப்பட வேண்டும் என்ற அவசியம் இல்லை என்றும், அவர் ஏற்கனவே முன்னணியில்தான் இருக்கிறார் என்றும் சீமான் கூறினார். இன்னும் ரஜினிகாந்த் ஒரு 4 படங்களில் நடிப்பார்? அதன்பிறகு யார் முதன்மை இடத்தில் இருப்பார்? விஜய்தானே இருப்பார். இரண்டு பேருக்கும் தான் போட்டி உள்ளது. ரஜினிக்குப் பிறகு விஜய்தான் முதன்மை இடத்தில் இருப்பார் என்றும் கூறினார்.
மேலும் விஜய் அரசியலுக்கு வருவது குறித்த கேள்விக்கு 'யார் யாரோ அரசியலுக்கு வருகின்றனர், விஜய் வந்தால் என்ன? வரட்டும் என்று கூறினார்.
வெளிநாடு சென்ற தமிழக முதல்வரின் ஆடை குறித்து கேலி செய்யப்படுவது குறித்த கேள்விக்கு 'அவர்கள் எல்லாம் மனநோயாளிகள்'. வேலை இல்லாதவர்கள் தான் ஆடை குறித்து கிண்டல் செய்வார்கள். என்னதான் இருந்தாலும் என் மண்ணின் முதல்வரை விட்டுக்கொடுக்க முடியாது என்று கூறினார்.