'பைரவா' முதல் நாள் வசூல். சென்னையை மிஞ்சிய பகுதி பற்றிய தகவல்
- IndiaGlitz, [Friday,January 13 2017]
இளையதளபதி விஜய் நடித்த 'பைரவா' படத்திற்கு கலவையான விமர்சனம் கிடைத்தபோதிலும் முதல் நாள் வசூல் அபாரமாக இருந்துள்ளது. இந்த படத்தின் முதல் நாள் சென்னை வசூல் ரூ.92 லட்சம் என்பதை ஏற்கனவே பார்த்தோம். இந்நிலையில் தமிழகம் முழுவதும் இந்த படத்தின் முதல் நாள் வசூல் குறித்து தற்போது பார்ப்போம்
TK என்று கூறப்படும் திருநெல்வேலி, கன்னியாகுமரி பகுதியில் 'பைரவா' திரைப்படம் முதல் நாளில் ரூ.80 லட்சம் வசூல் செய்துள்ளது. TT என்று கூறப்படும் திருச்சி, தஞ்சாவூர் பகுதியின் முதல் நாள் வசூல் ரூ.1.6 கோடி ஆகும்., இந்த தொகை முதல் நாள் சென்னை வசூலை விட அதிகம் என்பது குறிப்பிடத்தக்கது.
ஆனால் அதே நேரத்தில் சென்னை மற்றும் TT பகுதி வசூலை விட ரூ.1.7 கோடி முதல் நாளில் வசூல் செய்து சாதனை செய்துள்ளது சேலம் பகுதி. மிக விரைவில் தமிழகத்தின் மிகப்பெரிய வசூல் பகுதியான செங்கல்பட்டு மற்றும் மதுரை, வட ஆற்காடு தென்னாற்காடு பகுதி வசூல் குறித்த தகவல்களை பார்ப்போம்.