முதல்வர் எடப்பாடி பழனிச்சாமியை மீண்டும் நேரில் சந்தித்த விஜய்
- IndiaGlitz, [Tuesday,October 17 2017]
தளபதி விஜய் நடித்த 'மெர்சல்' திரைப்படம் இன்னும் ஒருசில மணி நேரங்களில் முதல் காட்சி திரையிடப்படவுள்ள நிலையில் சற்றுமுன்னர் தமிழக முதல்வர் எடப்பாடி பழனிச்சாமியை விஜய் மீண்டும் சந்தித்தார்.
'மெர்சல்' திரைப்படத்திற்கு விலங்குகள் நலவாரியம் தடையில்லா சான்றிதழ் அளிக்க தாமதம் செய்ததை அடுத்து சமீபத்தில் முதல்வர் எடப்பாடி பழனிச்சாமியை விஜய் சந்தித்தார். இந்த சந்திப்பிற்கு பின்னர் விலங்குகள் நல வாரியத்தின் தடையில்லா சான்றிதழ் கிடைத்தது.
இதனையடுத்து முதல்வர் எடப்பாடி பழனிச்சாமிக்கு நன்றி தெரிவிக்க இன்று விஜய் முதல்வரை சந்தித்ததாக கூறப்படுகிறது. இந்த சந்திப்பின்போது சுகாதாரத்துறை அமைச்சர் விஜயபாஸ்கர் உடன் இருந்தார் என்பது குறிப்பிடத்தக்கது