தமிழக வெற்றி கழகத்தின் சார்பில் இன்று இப்தார் நோன்பு நடத்தப்படும் நிலையில், வெள்ளை கைலி, வெள்ளை சட்டை, தொப்பியுடன் தமிழக வெற்றி கழகத்தின் தலைவர் விஜய் வருகை தந்த வீடியோ இணையத்தில் வைரல் ஆகி வருகிறது.

சென்னை ஒய்.எம்.சி.ஏ மைதானத்தில் இன்று தமிழக வெற்றி கழகத்தின் சார்பில் இப்தார் விருந்து நிகழ்ச்சிக்கான ஏற்பாடுகள் செய்யப்பட்டிருந்தன. இந்த ஏற்பாடுகளை பொதுச் செயலாளர் ஆனந்த் மற்றும் தேர்தல் மேலாண்மை பொதுச் செயலாளர் ஆதவ் அர்ஜூனா ஆகியோர் கவனித்து வந்தனர்.

இந்த நிகழ்வில் 2000 பேர் சாப்பிடும் வகையில் மட்டன் பிரியாணி, நோன்பு கஞ்சி உள்ளிட்ட உணவுகள் ஏற்பாடு செய்யப்பட்டிருந்தன. தமிழக வெற்றி கழகத்தின் நிர்வாகிகள், இஸ்லாமியர்கள் உள்பட 1500 க்கும் மேற்பட்டோர் இதில் கலந்து கொண்டனர்.

இந்த நிலையில், இந்த நிகழ்வில் கலந்து கொள்ள விஜய் வருகை தந்தபோது, அவர் வழக்கமான உடையை தவிர்த்து, இப்தார் நோன்புக்குத் தேவையான உடையில் அதாவது வெள்ளை கைலி, வெள்ளை சட்டை, தொப்பியுடன் காணப்பட்டார். இது குறித்த வீடியோ இணையத்தில் வைரல் ஆகி வருகிறது.