விஜய் கட்சியின் பெயர் மாற்றம்.. புதிய கட்சி பெயரில் முக்கிய அறிவிப்பு..!
- IndiaGlitz, [Sunday,February 18 2024]
கடந்த சில நாட்களுக்கு முன்னர் தளபதி விஜய் ’தமிழக வெற்றி கழகம் ’என்ற அரசியல் கட்சியை தொடங்கிய நிலையில் இந்த கட்சியின் பெயரில் ‘க்’ வர வேண்டும் என்று பலர் அறிவுறுத்திய நிலையில் அதை சேர்க்க விஜய் முடிவு செய்ததாக ஏற்கனவே வெளியான தகவலை பார்த்தோம்.
இந்த நிலையில் தமிழக வெற்றி கழகம் என்ற கட்சியின் சமூக வலைதளத்தில் ‘க்’ சேர்க்கப்பட்டு தமிழக வெற்றிக் கழகம் என பெயர் மாற்றப்பட்டுள்ளதாக அறிவிக்கப்பட்டுள்ளது. நியாயமான குறைகளை சொன்னால் ஏற்றுக்கொள்ள வேண்டும் என்று விஜய் தனது கட்சியை நிர்வாகிகளிடம் கூறியதை அடுத்து கட்சியின் பெயரில் ‘க்’ என்ற எழுத்து சேர்க்கப்பட்டுள்ளது.
இந்த நிலையில் புதிய பெயரான தமிழக வெற்றிக் கழகம் என்ற பெயரில் சற்றுமுன் முக்கிய அறிவிப்பு ஒன்று வெளியாகியுள்ளது. இந்த அறிவிப்பில் கூறியிருப்பதாவது: தமிழக வெற்றி கழக தலைவர் அவர்களின் உத்தரவின் பேரில் உறுப்பினர் சேர்க்கை மற்றும் உட்கட்சி கட்டமைப்பு விரிவாக்கம் தொடர்பாக நிர்வாகிகள் ஆலோசனை கூட்டம் சென்னை பனையூர் தலைமை நிலைய செயலாளர் அலுவலகத்தில் நாளை அதாவது பிப்ரவரி 19ஆம் தேதி காலை 9 மணி அளவில் நடைபெற உள்ளது.
நமது கழகத்தின் மாவட்ட தலைமை நிர்வாகிகள் இக்கூட்டத்தில் தவறாமல் கலந்து கொள்ளுமாறு அன்புடன் கேட்டுக்கொள்கிறேன்’ என தமிழக வெற்றிக் கழகத்தின் பொதுச்செயலாளர் என் ஆனந்த் என்பவர் அறிக்கை வெளியிட்டுள்ளார்.