தமிழ்நாட்டை இன்னிக்கு யார் ஆட்சி பண்றாங்க தெரியுமா? 'கடைசி விவசாயி' டிரைலர்
- IndiaGlitz, [Sunday,November 21 2021]
மக்கள் செல்வன் விஜய்சேதுபதி நடித்த படங்களில் ஒன்றான ’கடைசி விவசாயி’ திரைப்படத்தின் டிரைலர் சற்றுமுன் வெளியாகி இணையதளங்களில் வைரலாகி வருகிறது.
இயக்குனர் மணிகண்டன் இயக்கத்தில், சந்தோஷ் நாராயணன் இசையில், விஜய் சேதுபதி முக்கிய கேரக்டரில் நடித்துள்ள இந்த படத்தில் வயதான விவசாயி ஒருவரின் கதை மிகவும் இயல்பாக சொல்லப்பட்டுள்ளது.
விவசாயிகளின் வாழ்வாதாரம் மற்றும் இன்றைய ஆட்சியாளர்களின் நிலைமை, மக்களின் அறியாமை போன்றவை மிகவும் இயல்பாக இந்த படத்தில் காட்டப்பட்டுள்ளது என்பது ட்ரைலரில் இருந்து தெரிய வருகிறது.
இந்த படத்தில் இடம்பெற்றுள்ள ஒவ்வொரு வசனமும் சிந்திக்க வைக்கும் வகையில் உள்ளது மட்டுமின்றி இந்த படம் முழுவதுமே இன்றைய சூழலில் விவசாயிகளின் நிலைமையை மிகவும் தெளிவாக எடுத்துச் சொல்லும் படமாக இந்தப் படம் இருக்கும் என்று எதிர்பார்க்கப்படுகிறது.
விஜய்சேதுபதி புரடொக்சன்ஸ் நிறுவனத்தின் தயாரிப்பில் உருவாகிய இந்த திரைப்படம் விஜய் சேதுபதிக்கு மேலும் ஒரு வெற்றி படமாக அமையும் என்று எதிர்பார்க்கப்படுகிறது.