விஜய் சேதுபதி ஏற்கனவே சில மாஸ் நடிகர்களின் படங்களில் வில்லனாக நடித்த நிலையில், இனிமேல் வில்லனாக நடிக்க போவதில்லை என சமீபத்தில் பேட்டி ஒன்றில் தெரிவித்திருந்தார். ஆனால், தற்போது நடிகை பான் இந்திய நடிகரின் அடுத்த படத்தில் விஜய் சேதுபதி வில்லனாக நடிக்க பேச்சுவார்த்தை நடத்தப்பட்டு வருவதாக தகவல்கள் வெளியாகி உள்ளன.

சூப்பர் ஸ்டார் ரஜினிகாந்த் நடித்த "பேட்ட", தளபதி விஜய் நடித்த "மாஸ்டர்", உலகநாயகன் கமல்ஹாசன் நடித்த "விக்ரம்" உள்ளிட்ட படங்களில் விஜய் சேதுபதி வில்லனாக நடித்துள்ளார். அதுபோல், பாலிவுட்டிலும் அட்லி இயக்கத்தில் ஷாருக்கான் நடித்த "ஜவான்" படத்திலும் வில்லனாக நடித்து கலக்கியிருந்தார்.

ஆனால் ’மஹாராஜா’ படத்தின் வெற்றிக்கு பின்னர், இனிமேல் அவர் வில்லனாக நடிக்க மாட்டார் என்று கூறப்பட்டது. ஆனால், தற்போது நடிகர் பிரபாஸ் நடிக்கும் "ஸ்பிரிட்" என்ற திரைப்படத்தில் வில்லனாக நடிக்க விஜய் சேதுபதியுடன் பேச்சுவார்த்தை நடத்தப்பட்டு வருவதாக கூறப்படுகிறது.

சமீபத்தில், இந்த படத்தின் இயக்குனர் சந்தீப் ரெட்டி, விஜய் சேதுபதியை சந்தித்து இது குறித்து பேச்சுவார்த்தை நடத்தியதாகவும், விரைவில் இது தொடர்பான அதிகாரப்பூர்வ அறிவிப்பு வெளியாகும் என்றும் தகவல்கள் வெளியாகி உள்ளன.