காதலும் கடந்து போகும்: விஜய்சேதுபதி-சமுத்திரக்கனி கேரக்டர்கள் குறித்த புதிய தகவல்
- IndiaGlitz, [Friday,January 29 2016]
'சூது கவ்வும்' படத்தை அடுத்து நலன் குமாரசாமி இயக்கியுள்ள அடுத்த படம் 'காதலும் கடந்து போகும்', விஜய்சேதுபதி, மடோனா செபாஸ்டியன், சமுத்திரக்கனி உள்பட பலர் நடித்துள்ள இந்த திரைப்படம் வரும் பிப்ரவரி 12ஆம் தேதி ரிலீஸ் ஆகும் என எதிர்பார்க்கப்படுகிறது.
இந்நிலையில் இந்த படத்தில் விஜய்சேதுபதி மற்றும் சமுத்திரக்கனி நடித்துள்ள கேரக்டர் குறித்த புதிய தகவல்களை இயக்குனர் நலன்குமாரசாமி பேட்டி ஒன்றில் தெரிவித்துள்ளார். அரசியல்வாதி ஒருவருக்கு வலது கரமாக இருக்கும் கேரக்டரில் விஜய்சேதுபதி நடித்துள்ளதாகவும், 'சூதுகவ்வும்' படத்தில் அவர் நடித்த கேரக்டருக்கு முற்றிலும் வித்தியாசமாக இந்த கேரக்டர் அமைந்துள்ளதாகவும் கூறியுள்ளார். மேலும் சமுத்திரக்கனி இந்த படத்தில் போலீசாக நடித்திருப்பதாகவும் இருப்பினும் அவர் இந்த படத்தில் நெகட்டிவ் கேரக்டரில் நடித்துள்ளதாகவும் கூறியுள்ளார்.
மேலும் இந்த திரைப்படம் கொரிய மொழி படமான 'My Dear Desperado' என்ற படத்தை தழுவி எடுக்கப்பட்டதாகவும் இருப்பினும் தமிழுக்கு ஏற்றவாறு இந்த படத்தில் தான் ஒருசில மாற்றங்கள் செய்துள்ளதாகவும் அவர் தெரிவித்துள்ளார். மேலும் இந்த படத்தில் இரண்டே பாடல்கள் இடம்பெற்றுள்ளதாகவும் இந்த படம் 2 மணி நேரம் 10 நிமிடங்கள் ஓடும் என்றும் நலன்குமாரசாமி கூறியுள்ளார்.