close
Choose your channels

மீண்டும் இளமைக்கு திரும்பிய விஜய்சேதுபதி: வைரலாகும் போட்டோஷூட்!

Monday, March 1, 2021 • தமிழ் Comments

மக்கள் செல்வன் விஜய் சேதுபதி எந்தவித திரையுலக பின்னணியும் இல்லாமல் தனது திறமையின் மூலம் மட்டுமே படிப்படியாக முன்னேறி தற்போது மாஸ் நடிகர்களில் ஒருவராக உள்ளார் என்பது குறிப்பிடத்தக்கது. எந்த கேரக்டர் கொடுத்தாலும் அந்த கேரக்டராகவே மாறி விடும் தன்மையுடைய விஜய்சேதுபதி, இமேஜ் பார்க்காமல் வயதான கேரக்டரிலும் நடித்து வந்தார். அதுமட்டுமின்றி மாஸ் நடிகர்களான ரஜினிகாந்த், விஜய் படங்களில் வில்லனாகவும் நடித்துள்ளார் என்பது குறிப்பிடத்தக்கது.

தமிழ் மட்டுமின்றி தெலுங்கு, கன்னடம், மலையாளம் என தென்னிந்திய மொழிகளில் கலக்கி வரும் விஜய் சேதுபதி தற்போது பாலிவுட்டிலும் களம் புகுந்துள்.ளார். பாலிவுட்டில் ஹீரோவாக அவர் நடிக்கும் திரைப்படத்திற்கு ’மேரி கிறிஸ்மஸ்’ என்ற டைட்டில் வைக்கப்பட்டுள்ளது என்பதும், இந்த படத்தில் அவருக்கு ஜோடியாக கேத்ரினா கைப் நடிக்க உள்ளார் என்பதும் குறிப்பிடத்தக்கது.

இந்த நிலையில் தற்போது விஜய்சேதுபதி மூன்று வித கெட்டப்புகளில் புதிய போட்டோ ஷூட் ஒன்றை நடத்தியுள்ளார். விதமான உடைகளில் இளைஞர் போன்றும், நடுத்தர வயது மற்றும் வயதான தோற்றத்தில் உள்ள இந்த மூன்று போட்டோஷூட் புகைப்படங்கள் தற்போது வைரலாகி வருகிறது. இந்த போட்டோஷூட் மூலம் மீண்டும் விஜய் சேதுபதியை 10 வருடங்களுக்கு முன் பார்த்த இளைஞர் போல் பார்ப்பதில் தங்களுக்கு மிகவும் மகிழ்ச்சியாக இருப்பதாக அவரது ரசிகர்கள் டுவிட் செய்துள்ளனர்.


 

Get Breaking News Alerts From IndiaGlitz