அஜித்துடன் சந்திப்பு. அப்செட் ஆன விஜய்சேதுபதி மனைவி
- IndiaGlitz, [Thursday,March 09 2017]
தல அஜித் ஒரு நல்ல நடிகர் மட்டுமின்றி சிறந்த மனிதநேயம் மிக்கவர் என்பதாலே அவருக்கு ரசிகர்கள் நாளுக்கு நாள் அதிகரித்து வருகின்றனர். மேலும் திரையுலகிலும் அதிக ரசிகர்களை கொண்டவர் அஜித் தான் என்பது குறிப்பிடத்தக்கது.
இந்நிலையில் சமீபத்தில் சென்னையில் 'விவேகம்' படப்பிடிப்பில் இருந்த அஜித், விஜய்சேதுபதியை சந்திக்க விரும்பி அவருக்கு அழைப்பு விடுத்துள்ளார். அஜித்திடம் இருந்து வந்த அழைப்பால் இன்ப அதிர்ச்சி ஆன விஜய்சேதுபதி உடனே 'விவேகம்' படப்பிடிப்பின் இடையே அவரை சந்தித்து பேசினர்
இந்த சந்திப்பின்போது 'விஜய்சேதுபதி சிறந்த கதைகளை தேர்வு செய்து நடித்து வருவதாகவும், தன்னம்பிக்கையுடன் செயல்பட்டு வருவதாகவும், மற்றவர்களுக்கு உதவி செய்யும் மனப்பான்மையுடன் இருப்பதாகவும் அஜித் விஜய்சேதுபதியை பாராட்டியதோடு, தொடர்ந்து இந்த மூன்றையும் பின்பற்றும்படி அறிவுரை கூறினாராம்
அஜித்தின் தீவிர ரசிகையான விஜய்சேதுபதியின் மனைவி, அஜித் சந்திப்பின்போது தன்னை அழைத்து செல்லவில்லை என்று கணவர் மீது கோபப்பட்டு அப்செட் ஆனதாகவும் கூறப்படுகிறது.