சூப்பர் ஸ்டார் ரஜினிகாந்த், உலக நாயகன் கமல்ஹாசன், தளபதி விஜய் ஆகியோர்களுடன் விஜய் சேதுபதி நடித்த நிலையில், அஜித்துடனும் ஒரு படத்தில் நடிப்பதாக இருந்தது. ஆனால், அந்த படம் மிஸ் ஆகிவிட்டதாக சமீபத்தில் அவர் கலந்து கொண்ட நிகழ்ச்சியில் கூறி இருப்பது பரபரப்பை ஏற்படுத்தியுள்ளது.

துணை நடிகராக அறிமுகம் ஆகி, அதன்பின் தமிழ் சினிமாவின் தவிர்க்க முடியாத ஹீரோவாக மாறியவர் விஜய் சேதுபதி. சில படங்களில் அவர் வில்லனாகவும் நடித்துள்ளார். குறிப்பாக, ரஜினிகாந்த் நடித்த ’பேட்ட’, கமல்ஹாசன் நடித்த ’விக்ரம்’, விஜய் நடித்த ’மாஸ்டர்’, ஷாருக்கான் நடித்த ’ஜவான்’ ஆகிய படங்களில் வில்லனாக நடித்துள்ளார்.

இந்த நிலையில், ரஜினி, கமல், விஜய், ஷாருக்கான் உள்ளிட்ட பெரிய நட்சத்திரங்களுடன் நடித்து விட்ட விஜய் சேதுபதி, அஜித்துடன் ஒரு படத்தில் நடிக்க இருந்தது. ஆனால், அது மிஸ் ஆகிவிட்டதாக தெரிவித்துள்ளார்.

அது எந்த படம் என்று ரசிகர்கள் கேட்டபோது, அந்த படத்தின் பெயரை சொல்ல விரும்பவில்லை என கூறியுள்ளார். ஆனால், அதே நேரத்தில் அஜித்துடன் நடிக்கும் ஒரு நல்ல சந்தர்ப்பம் கிடைக்கும் என்றும், விரைவில் அவருடன் நடிப்பேன் என்று எதிர்பார்க்கிறேன்’ என்றும் தெரிவித்துள்ளார்.