உங்கள பார்க்கணும்னு தோணுச்சு வந்தேன்.. விஜய்சேதுபதியுடன் பேசும் மழலையின் வீடியோ..!
- IndiaGlitz, [Friday,April 07 2023]
விஜய் சேதுபதி உடன் மூன்று வயது குழந்தை மழலை மொழியில் பேசும் வீடியோ இணையதளங்களில் வைரலாகி வருகிறது.
தமிழ் திரையுலகின் மாஸ் நடிகர்களில் ஒருவரான விஜய் சேதுபதி நடித்த ’விடுதலை’ திரைப்படத்தின் முதல் பாகம் சமீபத்தில் வெளியாகிய நல்ல வரவேற்பு பெற்றது. இந்த நிலையில் சமீபத்தில் ஒரு நிகழ்ச்சியில் விஜய் சேதுபதி கலந்து கொண்ட போது அவரை பார்க்க மூன்று வயது குழந்தை வந்தது. அந்த குழந்தையுடன் விஜய் சேதுபதி உரையாடும் காட்சியின் வீடியோ இணையதளங்களில் வைரல் ஆகி வருகிறது.
தனக்கு மூன்று வயது என்றும் தன்னுடன் பிறந்த ஆயம்மாவுக்கு இரண்டு வயது என்று கூறும் அந்த குழந்தை தன்னுடைய தந்தை கட்டிட வேலை செய்வதாகவும் உங்களை பார்க்க வேண்டும் என்று தோன்றியது அதனால் வந்தேன் என்று கூறினார்.
இதனை அடுத்து விஜய் சேதுபதி அந்த குழந்தைக்கு கை நிறைய சாக்லேட்டுகளை அள்ளித் தந்து முத்தம் கொடுத்து அனுப்பி வைத்தார். விஜய் சேதுபதி மற்றும் அந்த குழந்தை பேசும் இந்த வீடியோ இணையதளங்களில் வைரலாக வருகிறது.