விஜய் டிவியில் ஒளிபரப்பாகி வரும் இரண்டு தொலைக்காட்சி தொடர்களின் நேரம் மாற்றப்பட இருப்பதாக தகவல் வெளியாகியுள்ளது.

விஜய் டிவியில் ஒளிபரப்பாகி வரும் பல தொடர்கள் பார்வையாளர்களிடம் நல்ல வரவேற்பை பெற்றுள்ளன. குறிப்பாக, 2020 ஆம் ஆண்டில் தொடங்கிய 'பாக்கியலட்சுமி’ தொடருக்கு ஏராளமான இல்லத்தரசிகள் ஆதரவு இருந்து வருகிறது. இந்த தொடர் விரைவில் முடிவடையலாம் என்பதற்கான தகவல், தொடரில் முக்கியமான கதாபாத்திரமான சதீஷ் தனது இன்ஸ்டாகிராம் பக்கத்தில் வெளியிட்ட பதிவால் வலுப்பெற்றது.

இந்த நிலையில், டி.ஆர்.பி மதிப்பீட்டில் தொடர்ந்து முதல் 10 இடங்களில் இடம்பெற்ற 'பாக்கியலட்சுமி’ தொடர், தற்போது இரவு 8:30 மணிக்கு ஒளிபரப்பாகி வருகிறது. ஆனால், வருகிற திங்கட்கிழமை முதல் இந்த தொடர் இரவு 7 மணிக்கு மாற்றப்பட இருப்பதாக தகவல் வெளியாகியுள்ளது.

அதே நேரத்தில், தற்போது இரவு 7 மணிக்கு ஒளிபரப்பாகும் 'அய்யனார் துணை’ தொடரின் நேரமும் மாற்றப்பட்டுள்ளதாகவும், இது இனி இரவு 8:30 மணிக்கு ஒளிபரப்பாகும் எனவும் தகவல் தெரிவிக்கிறது.

டி.ஆர்.பி புள்ளிகளை கணக்கில் கொண்டு இந்த நேர மாற்றம் செய்யப்பட்டுள்ளதாக கூறப்படுகிறது. ’அய்யனார் துணை’ தொடரில் மதுமிதா முக்கிய கதாபாத்திரமாக நடித்து வருகிறார், மேலும் இந்த நேர மாற்றத்தால் இந்த தொடரின் டி.ஆர்.பி அதிகரிக்கலாம் என எதிர்பார்க்கப்படுகிறது.