கேரளாவில் அசைக்க முடியாத நம்பர் ஒன் இடத்தில் விஜய்
- IndiaGlitz, [Monday,September 19 2016]
இளையதளபதி விஜய்க்கு தமிழகத்தை போலவே கேரளாவிலும் பெருமளவில் ரசிகர்கள் உள்ளனர் என்பதும் ஒரிஜினல் மலையாள படங்களையே விஞ்சும் அளவுக்கு அவருடைய படங்கள் வசூல் செய்து சாதனை படைத்து வருகிறது என்பதும் தெரிந்ததே.
இந்நிலையில் கேரளாவில் இதுவரை அதிக வசூல் செய்த தமிழ் படங்கள் குறித்த தகவல் வெளிவந்துள்ளது. விஜய்யின் 'தெறி' கேரளாவில் ரூ.16.50 கோடி வசூல் செய்து அசைக்க முடியாத நம்பர் ஒன் இடத்தில் உள்ளது. இரண்டாவது இடத்தில் ரஜினியின் 'கபாலி ரூ.16.10 கோடியும், மூன்றாவது இடத்தில் உள்ள சூர்யாவின் '24' ரூ.10.35 கோடியும் வசூல் செய்துள்ளது.
சமீபத்தில் வெளியான விக்ரமின் 'இருமுகன்' திரைப்படம் இதுவரை கேரளாவில் ரூ.5.37 கோடி வசூல் செய்து இன்னும் பல திரையரங்குகளில் வெற்றி நடை போடுகிறது என்பது குறிப்பிடத்தக்கது.