விஜய் டிவி சீரியல்களில் நடித்ததன் மூலம் பிரபலமான நடிகர் ஒருவர் சீரியல் நடிகையை திருமணம் செய்து கொண்ட நிலையில் திருமண புகைப்படங்கள் இணையதளங்களில் வைரல் ஆகி வருகின்றன.

விஜய் டிவியில் ஒளிபரப்பான ‘சிப்பிக்குள் முத்து’ என்ற சீரியல் மூலம் பிரபலமானவர் நடிகர் விஷ்ணுகாந்த். இவர் கடந்த சில வருடங்களாக அதே சீரியலில் நடிகை சம்யுக்தா என்பவரை காதலித்து வந்த நிலையில் நேற்று இருவருக்கும் திருமண நடந்துள்ளது. திருமணம் குறித்த புகைப்படங்களை நடிகர் விஷ்ணுகாந்த் தனது சமூக வலைத்தளத்தில் பகிர்ந்த நிலையில் அவருக்கு வாழ்த்துக்கள் குவிந்து வருகிறது.

‘சிப்பிக்குமுத்து’ என்ற சீரியலில் விஷ்ணுகாந்த் மற்றும் சம்யுக்தா இருவரும் இணைந்து நடித்த போது இருவருக்கும் காதல் ஏற்பட்டது என்றும் அதனை அடுத்து கடந்த சில வருடங்களாக இவர்கள் காதலித்து வந்த நிலையில் தற்போது இருவரும் பெற்றோர் சம்பந்தப்பட்ட திருமணம் செய்து கொண்டனர் என்பது குறிப்பிடத்தக்கது.

விஷ்ணுகாந்த் ஏற்கனவே ஜிவியில் ஒளிபரப்பான 'கோகுலத்தில் சீதை’ உட்பட ஒரு சில சீரியல்கள் நடித்துள்ளார் என்பது அதே போல் சம்யுக்தா 'நிறைமாத நிலவே’ என்ற வெப் தொடர் மூலம் பிரபலமாகி அதனை அடுத்து சில சீரியல்கள் நடித்துள்ளார் என்பது குறிப்பிடத்தக்கது.

சமீபத்தில் இவர்கள் தங்களது காதலை சமூக வலைதளத்தில் பகிர்ந்து கொண்ட நிலையில் நேற்று இருவருக்கும் திருமணம் நடந்துள்ளது. உங்கள் அனைவரின் வாழ்த்துக்களோடு நான் ஒரு புதிய வாழ்க்கையில் அடியெடுத்து வைக்கிறேன் என்றும் லவ் டி பொண்டாட்டி என்றும் விஷ்ணுகாந்த் தனது இன்ஸ்டாகிராம் பக்கத்தில் பதிவு செய்துள்ளார். இதனை அடுத்து புதுமண தம்பதிகள் இருவருக்கும் வாழ்த்துக்கள் குவிந்து வருகிறது.

View this post on Instagram

A post shared by 🎀𝑽𝒊𝒔𝒉𝒏𝒖𝑲𝒂𝒏𝒕𝒉🎀 (@vishnukanth_official)