தொலைக்காட்சி நடிகரான ரியோராஜ் நடித்த முதல் திரைப்படமான ’நெஞ்சமுண்டு நேர்மையுண்டு ஓடு ராஜா’ என்ற திரைப்படம் சமீபத்தில் வெளியாகி நல்ல வரவேற்பை பெற்றது. சிவகார்த்திகேயன் தயாரிப்பில் உருவான இந்த படத்தை கார்த்திக் வேணுகோபால் இயக்கி வந்தார் என்பதும் என்பது குறிப்பிடத்தக்கது

இந்த நிலையில் ரியோராஜ் நடிக்கும் அடுத்த படத்தை பிரபல இயக்குனர் பத்ரி வெங்கடேஷ் இயக்கி வருகிறார். இந்த படத்தில் இவருக்கு ஜோடியாக நடிகை ரம்யா நம்பீசன் நடித்து வருகிறார். மேலும் இந்த படத்தில் பாலசரவணன், ஆடுகளம் நரேன், மற்றும் தொலைக்காட்சி நடிகர் ’பழைய ஜோக் தங்கதுரை’ உள்ளிட்ட பலர் நடித்து வருகின்றனர். பாசிட்டிவ் பிரிண்ட் ஸ்டூடியோஸ் நிறுவனம் தயாரித்து வரும் இந்த படத்திற்கு இளம் இசைஞானி யுவன் சங்கர் ராஜா இசையமைத்து வருகிறார்

இந்த நிலையில் இந்த படத்தில் தற்போது பிரபல குணசித்திர நடிகை விஜி சந்திரசேகர் இணைந்துள்ளார். இவருக்கு இந்த படத்தில் ஒரு முக்கிய கேரக்டர் என்றும் இந்த கேரக்டர் தான் இந்த படத்தின் கதைக்கு மையப்புள்ளி என்றும் படக்குழுவினர் தெரிவித்துள்ளனர். ஏற்கனவே லட்சுமி ராமகிருஷ்ணன் இயக்கத்தில் விஜய் சந்திரசேகர் நடித்த ’ஆரோகணம்’ என்ற திரைப்படம் நல்ல வரவேற்பை பெற்றது என்பது தெரிந்ததே