'லியோ' படத்தில் இணையும் 'விக்ரம்' நடிகர்.. LCU உறுதியாகிறதா?
- IndiaGlitz, [Sunday,April 30 2023]
தளபதி விஜய் நடித்து வரும் ’லியோ’ திரைப்படத்தில் ‘விக்ரம்’ படத்தில் நடித்த முக்கிய நடிகர் ஒருவர் இணைந்துள்ளதை அடுத்த இந்த படம் LCU படம் என்பது கிட்டத்தட்ட உறுதியாகியுள்ளதாக ரசிகர்கள் கருத்து தெரிவித்து வருகின்றனர்.
தளபதி விஜய் நடிப்பில் இயக்குனர் லோகேஷ் கனகராஜ் இயக்கத்தில் உருவாகி வரும் திரைப்படம் ’லியோ’. இந்த படத்தில் விஜய்யுடன் சஞ்சய் தத், அர்ஜுன், மிஷ்கின், கௌதம் மேனன், பாபு ஆண்டனி, மன்சூர் அலிகான் உட்பட பல பிரபலங்கள் நடித்து வருகின்றனர் என்பதும் இந்த படத்தில் த்ரிஷா, ப்ரியா ஆனந்த் என ஒரு மிகப்பெரிய நட்சத்திர கூட்டமே இருக்கிறது என்பதையும் பார்த்து வருகிறோம்.
இந்த நிலையில் தற்போது வந்துள்ள தகவலின்படி கமல்ஹாசன் நடிப்பில் லோகேஷ் கனகராஜ் இயக்கத்தில் உருவான 'விக்ரம்’ திரைப்படத்தில் நடித்த ஜாபர் சாதிக், ‘லியோ’ படத்தில் இணைந்து உள்ளதாக தகவல் வெளியாகி உள்ளன. ஏற்கனவே ’விக்ரம்’ படத்தில் நடித்த மேலும் ஒரு சில நடிகர்கள் ’லியோ’ திரைப்படத்தில் தோன்றுவார்கள் என்றும் இந்த படம் நிச்சயமாக LCU படம் தான் என்றும் கூறப்பட்டு வருகிறது. ஜாபர் சாதிக்கை அடுத்து இன்னும் ’விக்ரம்’ படத்தில் நடித்த வேறு யார் யாரெல்லாம் ’லியோ’ படத்தில் இணைவார்கள் என்பதை பொறுத்திருந்து பார்ப்போம்.