'விக்ரம்' விஜய்சேதுபதி கேரக்டரில் நடிக்க இருந்தவர் இவரா? 'கட்டிங் பிளேயர்' சொன்ன ஆச்சரிய தகவல்
- IndiaGlitz, [Wednesday,June 08 2022]
உலகநாயகன் கமல்ஹாசன் நடித்த ’விக்ரம்’ திரைப்படம் சமீபத்தில் வெளியாகி மிகப்பெரிய வெற்றி பெற்றது என்பதும் இந்த படத்தில் கமல்ஹாசன், விஜய் சேதுபதி, பகத்பாசில் மட்டுமின்றி சின்ன சின்ன கேரக்டரில் நடித்திருந்தவர்கள் கூட மனதில் தங்கும் அளவுக்கு லோகேஷ் கனகராஜ் கேரக்டர்களை அமைத்து இருந்தார் என்பதும் தான் இந்த படத்தின் வெற்றிக்கு காரணமாக கூறப்படுகிறது.
குறிப்பாக விஜய் சேதுபதியின் வலது கையாக வரும் ஜாபர் சாதிக் என்பவர் தனது எதிராளிகளை திடீரென காலில் கட்டிங் பிளேடு வைத்து கட் செய்து அவர்களை கொல்லுவார். கடைசியில் கமல்ஹாசனையும் அதேபோல் கொல்ல முயற்சிக்கும் போதுதான் ஒரு திருப்பம் ஏற்படும் என்பது படம் பார்த்தவர்கள் அறிந்ததே.
இந்த நிலையில் சமீபத்தில் ஜாபர் சாதிக் அளித்த பேட்டியில் இந்த படத்தில் விஜய் சேதுபதிக்கு பதிலாக பிரபுதேவா மற்றும் ராகவா லாரன்ஸ் ஆகிய இருவரில் ஒருவர் ‘சந்தானம்’ கேரக்டரில் நடிக்க இருந்ததாகவும், ஆனால் அவர்கள் இருவரும் நடிக்க முடியாத சூழ்நிலை ஏற்பட்ட பிறகுதான் இந்த படத்தில் விஜய் சேதுபதி வந்தார் என்றும் கூறியுள்ளார்.
இந்த தகவல் அனைவருக்கும் ஆச்சரியமாக இருக்கும் நிலையில் விஜய் சேதுபதியின் சந்தானம் கேரக்டரில் பிரபுதேவா அல்லது ராகவா லாரன்ஸ் நடித்திருந்தால் எப்படி இருந்திருக்கும் என்பதை யூகித்து கமெண்ட் பகுதியில் பதிவு செய்யுங்கள்.