శివ‌పుత్రుడు, అప‌రిచితుడు చిత్రాల‌తో తెలుగు ప్రేక్ష‌కుల‌కు చేరువైన త‌మిళ క‌థానాయ‌కుడు చియాన్ విక్ర‌మ్‌. ఆ సినిమాల త‌రువాత తెలుగులోనూ మంచి మార్కెట్‌ను సొంతం చేసుకున్నారు విక్ర‌మ్‌.

అయితే.. అప‌రిచితుడు త‌రువాత వ‌చ్చిన సినిమాలేవీ విక్ర‌మ్‌కు ఆ స్థాయి విజ‌యాన్ని అందించ‌లేదు. అప‌రిచితుడు ద‌ర్శ‌కుడు శంక‌ర్ ద‌ర్శ‌క‌త్వంలోనే విక్ర‌మ్ న‌టించిన ఐ చిత్రం కూడా ఆ కొర‌త‌ను తీర్చ‌లేక‌పోయింది.

ఈ నేప‌థ్యంలో.. ఈ ఏడాది ద్వితీయార్థంలో రెండు సినిమాల‌తో సంద‌డి చేయ‌నున్నారు విక్ర‌మ్. ఆ సినిమాలే సామి స్క్వేర్‌, ధ్రువ న‌క్ష‌త్రం. హ‌రి ద‌ర్శ‌క‌త్వంలో రూపొందుతున్న సామి స్క్వేర్‌లో కీర్తి సురేష్ క‌థానాయిక‌గా న‌టిస్తుండ‌గా..

గౌత‌మ్ మీన‌న్ ద‌ర్శ‌క‌త్వంలో రూపొందుతున్న ధ్రువ న‌క్ష‌త్రం సినిమాలో పెళ్ళి చూపులు ఫేమ్‌ రీతూ వ‌ర్మ హీరోయిన్‌గా న‌టిస్తోంది. ఈ రెండు సినిమాలు నెల రోజుల గ్యాప్‌లో ఆగ‌స్టు, సెప్టెంబ‌ర్ నెల‌ల‌లో విడుద‌ల కానున్నాయ‌ని స‌మాచారం. మ‌రి.. ఈ చిత్రాల‌తోనైనా విక్ర‌మ్ మ‌ళ్ళీ స‌క్సెస్ ట్రాక్‌లోకి వ‌స్తారేమో చూడాలి.