நயன்தாராவின் இந்த படம் ஹிந்தியில் ரீமேக் ஆகிறதா?
- IndiaGlitz, [Tuesday,February 23 2021]
தமிழ் சினிமாவின் முன்னணி நடிகர்களில் ஒருவரான விக்ரமுடன் லேடி சூப்பர் ஸ்டார் நயன்தாரா முதல் முதலாக நடித்த ’இருமுகன்’ திரைப்படம் ஹிந்தியில் ரீமேக் செய்யப்பட இருப்பதாக தகவல்கள் வெளிவந்துள்ளது
சியான் விக்ரம் இரண்டு வேடங்களில் நடித்த திரைப்படம் ’இருமுகன்’. இந்த படத்தில் நயன்தாரா மற்றும் நித்யா மேனன் ஆகிய இருவரும் நாயகிகளாக நடித்து இருந்தனர் என்பதும் விக்ரம் நாயகன் மற்றும் வில்லன் வேடத்தில் நடித்திருந்த இந்த படத்திற்கு ஹாரிஸ் ஜெயராஜ் இசையமைத்து இருந்தார் என்பதும் தெரிந்ததே. இயக்குனர் ஆனந்த் ஷங்கர் இயக்கிய இந்த படத்தை சிபுதமீன்ஸ் தயாரித்திருந்தார்.
இந்த நிலையில் தற்போது இந்த படம் இந்தியில் ரீமேக் செய்யப்பட உள்ளதாக தகவல்கள் வெளிவந்துள்ளன. இது குறித்த முறையான அறிவிப்பு மற்றும் நடிகர் நடிகை இயக்குனர் உள்பட முக்கிய அறிவிப்புகள் இன்னும் ஒரு சில நாட்களில் வெளியாகும் என்று கூறப்படுகிறது. இருமுகன் படத்தின் ஹிந்தி ரீமேக்கையும் ஆனந்தசங்கர் இயக்குவாரா? என்பதை பொறுத்திருந்து பார்ப்போம்
இருமுகன்’ படத்தை இயக்கிய ஆனந்த் சங்கர் தற்போது விஷால் மற்றும் ஆர்யா நடித்து வரும் ’எனிமி’ என்ற திரைப்படத்தை இயக்கி வருகிறார் என்பதும் இந்த படத்தின் அடுத்தகட்ட படப்பிடிப்பு விரைவில் துபாயில் நடைபெற இருப்பதாகவும் தகவல்கள் வெளிவந்துள்ளன