విక్ర‌మ్ కొత్త మూవీ టైటిల్‌, లుక్ విడుద‌ల
- IndiaGlitz, [Thursday,November 08 2018]
విల‌క్ష‌ణ న‌టుడు, ద‌ర్శ‌క నిర్మాత క‌మ‌ల్ హాస‌న్ స‌మ‌ర్ప‌ణ‌లో రాజ్ క‌మ‌ల్ ఫిలింస్ ఇంట‌ర్నేష‌న‌ల్ బ్యాన‌ర్‌పై మరో విల‌క్ష‌ణ న‌టుడు చియాన్ విక్ర‌మ్ న‌టిస్తున్న చిత్రానికి 'క‌డర‌మ్ కొండ‌న్‌' అనే టైటిల్‌ను నిర్ణ‌యించారు. 'చీక‌టి రాజ్యం' ఫేమ్ రాజేశ్ ఎం.సెల్వ తెరకెక్కిస్తున్న ఈ చిత్రం చిత్రీక‌ర‌ణ ద‌శ‌లో ఉంది. ఇందులో విక్ర‌మ్ ఫస్ట్ లుక్ స‌రికొత్త‌గా ఆక‌ట్టుకుంటుంది.
టైటిల్‌, విక్ర‌మ్ లుక్‌ను క‌మ‌ల్ హాస‌న్ త‌న ట్విట్ట‌ర్ ద్వారా విడుద‌ల చేయ‌డం విశేషం. క‌మ‌ల్ హాస‌న్ కుమార్తె అక్ష‌ర హాస‌న్ ఇందులో హీరోయిన్‌గా న‌టిస్తుంది. వ‌చ్చే ఏడాది తెలుగు, త‌మిళ భాష‌ల్లో సినిమాను విడుద‌ల చేయ‌డానికి స‌న్నాహాలు చేస్తున్నారు. ఇందులో విక్ర‌మ్ అంధుడి పాత్ర‌లో న‌టిస్తార‌ని.. 'స్లీప్ లెస్ నైట్' అనే చిత్రానికి రీమేక్‌గా ఈ సినిమాను తెర‌కెక్కిస్తున్నార‌ని స‌మాచారం.