தனுஷின் 'விஐபி 2' படத்தின் ரிலீசில் திடீர் மாற்றம்
- IndiaGlitz, [Tuesday,August 08 2017]
தனுஷ், அமலாபால், கஜோல் நடிப்பில் செளந்தர்யா ரஜினிகாந்த் இயக்கியுள்ள 'வேலையில்லா பட்டதாரி' படத்தின் இரண்டாம் பாகமான 'விஐபி 2' திரைப்படம் வரும் வெள்ளியன்று உலகம் முழுவதும் பிரமாண்டமாக வெளியாகவுள்ளது. இந்த படத்திற்கான முன்பதிவுகள் ஒருசில திரையரங்குகளில் நேற்று மாலை முதல் ஆரம்பிக்கப்பட்டு விறுவிறுப்பாக முன்பதிவுகள் நடந்து வருகின்றன.
இந்த நிலையில் தமிழ், தெலுங்கு மற்றும் இந்தி என மூன்று மொழிகளில் இந்த படம் ஒரே நாளில் அதாவது ஆகஸ்ட் 11ஆம் தேதி ரிலீஸ் ஆகும் என்று கூறப்பட்டது. ஆனால் தற்போது அதில் ஒரு சிறிய மாற்றமாக தெலுங்கு மற்றும் இந்தி பதிப்புகள் ஆகஸ்ட் 18ஆம் தேதி ரிலீஸ் ஆகவுள்ளதாக தெரிகிறது. ஆனால் தமிழ் 'விஐபி 2' ரிலீஸில் எந்த மாற்றமும் இல்லை. மூன்று மொழிகளிலும் இந்த படம் 'யூ' சான்றிதழ் பெற்றுள்ளது என்பது குறிப்பிடத்தக்கது.
தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ள இந்த படத்தை கலைப்புலி எஸ்.தாணு மற்றும் தனுஷ் இணைந்து தயாரித்துள்ளனர் சீன் ரோல்டன் இசையமைத்துள்ள இந்த படத்தில் சமீர் தாஹிர் ஒளிப்பதிவாளராகவும், சத்யராஜ் நடராஜன் படத்தொகுப்பாளராகவும் பணிபுரிந்துள்ளனர்.