தயாரிப்பாளர் சங்க தேர்தல். தலைவர் பதவிக்கு விஷாலை முன்மொழிந்த கமல்
- IndiaGlitz, [Friday,February 03 2017]
தயாரிப்பாளர் சங்கத்தில் இருந்து சஸ்பெண்ட் செய்யப்பட்டிருந்த விஷாலை, சங்கத்தின் நிர்வாகிகள் இன்று காலை சஸ்பெண்டை ரத்து செய்த செய்தியையும், அதனையடுத்து விஷால் தயாரிப்பாளர் சங்க தேர்தலில் தலைவர் பதவிக்கு போட்டியிடும் செய்தியையும் சற்று முன்னர் பார்த்தோம்
இந்நிலையில் தற்போது விஷால் தயாரிப்பாளர் சங்க தேர்தலில் தலைவர் பதவிக்காக விண்ணப்பத்தை சமர்ப்பித்து போட்டியிடுவதை உறுதி செய்துள்ளார்.
மேலும் விஷாலின் விண்ணப்பத்தை கமல்ஹாசன் முன்மொழிந்துள்ளார். நடிகர் சங்க தேர்தலின்போது விஷாலுக்கு தனது முழு ஆதரவை வெளிப்படையாக அளித்த கமல், தற்போது தயாரிப்பாளர் சங்க தேர்தலிலும் வெளிப்படையாக தனது ஆதரவை முன்மொழிதல் மூலம் தெரிவித்துள்ளார். கமல் ஆதரவுடன் விஷால் தயாரிப்பாளர் சங்க தேர்தலில் களமிறங்கியுள்ளதால் தேர்தல் சூடுபிடிக்கும் என எதிர்பார்க்கப்படுகிறது.