விஷால் படங்களிலேயே அதிக பட்ஜெட் படம் இதுதான்; தயாரிப்பாளர் யார் தெரியுமா?
- IndiaGlitz, [Tuesday,August 31 2021]
நடிகர் விஷால் நடித்து வரும் 31ஆவது திரைப்படம் ’வீர்மே வாகை சூடும்’ என்ற திரைப்படம் என்றும் து.பா.சரவணன் இயக்கும் இந்த படத்தின் பர்ஸ்ட் லுக் போஸ்டர் சமீபத்தில் வெளியானது என்பது தெரிந்ததே.
இதனை அடுத்து வினோத் இயக்கத்தில் விஷால் நடிக்கவிருக்கும் 32வது படம் தயாராகி வருகிறது. இந்த படத்தை விஷாலின் நெருங்கிய நண்பர்களான ரமணா மற்றும் நந்தா தயாரிக்க உள்ளனர் என்பது குறிப்பிடதக்கது. இந்த படத்தின் பூஜையுடன் கூடிய படப்பிடிப்பு சமீபத்தில் தொடங்கியது என்பதும் இந்த படத்தின் நாயகியாக சுனைனா நடிக்கவுள்ளார் என்பதும் தெரிந்ததே.
இந்த நிலையில் விஷாலின் அடுத்த படமான 33வது படத்தை பைவ் ஸ்டார் கதிரேசன் தயாரிக்க உள்ளதாகவும் இந்த படத்தின் படப்பிடிப்பு இவ்வருட இறுதியில் தொடங்க இருப்பதாகவும் கூறப்படுகிறது.
இதுவரை வெளியான விஷால் படங்களில் ’இரும்புத்திரை’ படம் தான் மிக அதிக பட்ஜெட்டில் உருவான படம் என்ற நிலையில் ’விஷால் 33’ படம் அதைவிட அதிகமான பட்ஜெட்டில் உருவாக இருப்பதாகவும் விஷால் படங்களிலேயே அதிக பட்ஜெட்டில் படம் இதுதான் என்றும் கூறப்படுகிறது. மேலும் இந்த படத்தில் விஷாலுக்கு ஜோடியாக ப்ரியா பவானி சங்கர் நடிக்க அதிக வாய்ப்பிருப்பதாக கூறப்படுகிறது.