விஷாலின் அடுத்த படத்திற்கு சிவாஜி பட டைட்டில்?
- IndiaGlitz, [Tuesday,August 30 2016]
விஷால் தற்போது நடித்து வரும் 'கத்திச்சண்டை' படத்தின் டப்பிங் பணியில் விறுவிறுப்பாக உள்ளார் என்றும் இந்த படத்தின் இறுதிக்கட்ட படப்பிடிப்பு விரைவில் தொடங்கவுள்ளதாகவும் ஏற்கனவே பார்த்தோம்.
இந்த படத்தை அடுத்து விஷால், மிஷ்கின் இயக்கவுள்ள துப்பறிவாளன்' படத்தில் நடிக்கவுள்ளார். அதனையடுத்து அவர் லிங்குசாமி இயக்கும் 'சண்டக்கோழி 2' படத்தில் நடிக்கவுள்ளார். அதுமட்டுமின்றி நடிகர் சங்க வேலைகளும் அவருக்கு அவ்வப்போது உள்ளது.
இந்நிலையில் பி.எஸ்.மித்ரன் என்ற புதுமுக இயக்குனர் இயக்கும் படம் ஒன்றில் நடிக்கவும் அந்த படத்தை அவரே தயாரிக்கவும் முடிவு செய்துள்ளார். இந்த படத்திற்கு 'இரும்புத்திரை' என்ற டைட்டில் வைக்கப்படவுள்ளதாக செய்திகள் வெளிவந்துள்ளது.
ஏற்கனவே கடந்த 1960ஆம் ஆண்டு 'இரும்புத்திரை' என்ற டைட்டிலில் சிவாஜி கணேசன், சரோஜா தேவி, வைஜெயந்திமாலா, எஸ்.வி.ரங்காராவ் நடித்த படம் ஒன்று வெளியாகி நல்ல வரவேற்பை பெற்றது என்பது குறிப்பிடத்தக்கது.