இன்று முதல் சூப்பர் ஸ்டாருடன் இணைகிறார் விஷால்
- IndiaGlitz, [Sunday,June 04 2017]
கேரள சூப்பர் ஸ்டார் மோகன்லால் நடிப்பில் உன்னிகிருஷ்ணன் இயக்கி வரும் 'வில்லன்' படத்தின் பெரும்பாலான படப்பிடிப்பு முடிந்துவிட்ட நிலையில் தற்போது இறுதிக்கட்ட படப்பிடிப்பு தொடங்கியுள்ளது.
இந்த படத்தில் விஷால் ஒரு முக்கிய கேரக்டரில் நடிக்கவுள்ளார் என்பதை ஏற்கனவே பார்த்தோம். இந்த நிலையில் இன்று முதல் இந்த படத்தின் படப்பிடிப்பில் மோகன்லாலுடன் விஷால் கலந்து கொள்கிறார் என்ற தகவல் வெளிவந்துள்ளது. மேலும் இந்த படத்தில் பிரபல நடிகை ஹன்சிகா சிறப்பு தோற்றத்தில் நடிக்கவுள்ளார் என்பதும் குறிப்பிடத்தக்கது.
ஜூலை இறுதியில் வெளியாகும் என்று எதிர்பார்க்கப்படும் இந்த படத்தில் மோகன்லால், மஞ்சுவாரியர், விஷால், ராஷி கண்ணா, உள்பட பலர் நடித்து வருகின்றனர். சூப்பர் ஸ்டார் ரஜினிகாந்த் நடித்த 'லிங்கா' படத்தை தயாரித்த ராக்லைன் வெங்கடேஷ் இந்த படத்தை பெரும் பொருட்செலவில் தயாரித்து வருகிறார்.