close
Choose your channels

விஷ்ணு விஷாலின் அடுத்த படம் குறித்த முக்கிய தகவல்

Saturday, January 11, 2020 • தமிழ் Comments

கோலிவுட் திரையுலகின் முன்னணி நடிகர்களில் ஒருவராகிய விஷ்ணு விஷால் நடிப்பில் கடந்த 2018ஆம் ஆண்டு ’ராட்சசன்’ மற்றும்’ சிலுக்குவார்பட்டி சிங்கம்’ ஆகிய இரண்டு திரைப்படங்கள் வெளியாகி வெற்றி பெற்றன. ஆனால் கடந்த ஆண்டு அவர் நடித்த எந்த ஒரு படமும் வெளியாகாதால் அவரது ரசிகர்கள் அதிருப்தி அடைந்தனர்.

இந்த நிலையில் விஷ்ணு விஷால் நடித்து வரும் 'எப்.ஐ.ஆர்’ என்ற திரைப்படத்தின் படப்பிடிப்பு விறுவிறுப்பாக நடைபெற்று வருகிறது. இந்த நிலையில் இந்த படத்தின் ஃபர்ஸ்ட்லுக் போஸ்டரை சற்றுமுன் தனது சமூக வலைத்தளத்தில் வெளியிட்டுள்ள விஷ்ணுவிஷால், இந்த படத்தின் டீசர் வரும் 26-ஆம் தேதி வெளியாகும் என அறிவித்துள்ளார்.

விஷ்ணு விஷால் ஜோடியாக மஞ்சிமா மோகன் நடிக்கும் இந்த படத்தில் பிக்பாஸ் புகழ் ரைசா வில்சன் முக்கிய வேடத்தில் நடித்து வருகிறார். மேலும் ’பிகில்’ புகழ் ரெபா மோனிகா உள்பட பலர் நடித்து வரும் இந்த படத்தை மனு ஆனந்த் இயக்கிவருகிறார். அஸ்வந்த் இசையில் உருவாகி வரும் இந்த படத்தில் இயக்குனர் கவுதம் மேனன் முக்கிய வேடத்தில் நடித்து வருகிறார் என்பது குறிப்பிடத்தக்கது.

Get Breaking News Alerts From IndiaGlitz