அஜித்தின் 'விஸ்வாசம்' மும்பையில் நடக்கும் கதையா?
- IndiaGlitz, [Friday,August 24 2018]
தல அஜித் நடிப்பில் இயக்குனர் சிவா இயக்கி வரும் 'விஸ்வாசம்' படத்தின் ஃபர்ஸ்ட்லுக் போஸ்டர் நேற்று அதிகாலை 3.40 மணிக்கு வெளியாகி நாள் முழுவதும் சமூக வலைத்தளங்களின் டிரெண்டில் இருந்தது.
இந்த நிலையில் இந்த படத்தில் அஜித் இரண்டு வேடங்களில் நடித்து வருவது ஃபர்ஸ்ட்லுக் போஸ்டரில் இருந்து தெரியவந்துள்ளது. அதேபோல் இந்த படம் மும்பை பின்னணியில் உள்ள கதை என்பது தற்போது தெரிய வந்துள்ளது.
படப்பிடிப்பு தளத்தில் அஜித்துடன் ஒரு ரசிகர் எடுத்து கொண்ட புகைப்படம் ஒன்றின் பின்னணியில் மகாராஷ்டிரா ரெஜிஸ்ட்ரேஷன் கொண்ட ஆட்டோக்கள் வரிசையாக நிற்கின்றன. மேலும் இந்த படத்தின் அடுத்தகட்ட படப்பிடிப்பு மும்பையில் நடத்த திட்டமிட்டுள்ளதாக தகவல்கள் வெளிவந்துள்ளதால் இந்த படத்தின் கதை மும்பை பின்னணியாக இருக்கலாம் என்று கணிக்கப்படுகிறது.
ஏற்கனவே 'பாட்ஷா', 'நாயகன்' முதல் 'அஞ்சான்', 'தலைவா' வரை பல தமிழ்த்திரைப்படங்கள் மும்பை பின்னணியில் உருவாகியுள்ளது என்பது குறிப்பிடத்தக்கது.