பி.வாசு இயக்கும் அடுத்த படத்தில் அஜித்-விஜய் நாயகி
- IndiaGlitz, [Wednesday,July 12 2017]
சூப்பர் ஸ்டார் ரஜினிகாந்த் நடித்த 'பணக்காரன்', 'மன்னன்', சந்திரமுகி', உள்பட பல வெற்றி படங்களை இயக்கியவர் பி.வாசு. சமீபத்தில் இவர் இயக்கிய 'சிவலிங்கா' திரைப்படம் ரசிகர்களின் வரவேற்பை பெற்றது.
இந்த நிலையில் பி.வாசுவின் அடுத்த படம் நாயகிக்கு முக்கியத்தும் தரும் படமாக இருக்கும் என்றும் இந்த படத்தின் முக்கிய வேடத்தில் காஜல் அகர்வால் நடிக்கவிருப்பதாகவும் தகவல்கள் வெளிவந்துள்ளது.
அஜித்துடன் 'விவேகம்', விஜய்யுடன் 'மெர்சல்' ஆகிய படங்களில் நடித்து வரும் காஜல் அகர்வால், முதல்முறையாக நயன்தாரா, த்ரிஷா பாணியில் நாயகிக்கு முக்கியத்துவம் கொடுக்கும் படத்தில் நடிக்கவுள்ளார்.
தமிழ், தெலுங்கு என இரு மொழிகளில் உருவாகவுள்ள இந்த த்ரில்லர் படத்தில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளிவரும் என்று எதிர்பார்க்கப்படுகிறது.