அஜித், விஜய் வளர்ச்சிக்கு இது ஒன்றே காரணம்: விவேக்
- IndiaGlitz, [Wednesday,April 03 2019]
இயக்குனர் இமயம் கே.பாலசந்தர் அவர்களால் அறிமுகம் செய்யப்பட்டு கடந்த பல வருடங்களாக வெற்றிகரமான காமெடி நடிகராக தொடர்ந்து வரும் நடிகர் விவேக், நடிகர்கள் அஜித், விஜய் இருவருடனும் பல படங்களில் நடித்துள்ளார். இந்த நிலையில் நமக்கு அளித்த பிரத்யேக பேட்டியில் இருவரின் வளர்ச்சிக்கான முக்கிய காரணத்தை தெரிவித்துள்ளார்.
அஜித், விஜய் ஆகிய இருவரது வளர்ச்சியும் பிரமிக்கத்தக்கது. ஆனால் இருவருமே தங்களது வளர்ச்சியை தலைக்கு ஏற்றி கொள்ளாதவர்கள். அவர்களது வளர்ச்சிக்கும் இதுதான் முக்கிய காரணம். இன்றும் இருவருமே ஆரம்பகாலத்தில் இருந்தது போலவே எளிமையுடன் உள்ளனர். மேலும் அஜித், விஜய் பெயர்களை சொல்லி பலர் சண்டை போட்டு கொண்டாலும் இருவரும் இன்றும் நட்புடன் தான் உள்ளனர்.
அஜித்துடன் சமீபத்தில் 'விஸ்வாசம்' படத்தில் நடித்து முடித்துவிட்டேன். விஜய்யுடன் இப்போது நடிக்கவுள்ளேன். 'குருவி' படத்திற்கு பின்னர் நீண்ட இடைவெளி ஆகிவிட்டதால் இந்த படத்தில் காமெடி பிரம்மாதமாக ஒர்க் அவுட் ஆக வேண்டும் என்பதில் சீரியஸாக இருக்கின்றேன். விஜய்யும் கலக்குவோம் என்று கூறியுள்ளார் என்று விவேக் தெரிவித்தார்.
மேலும் 'இன்னிசை மழை' படத்தில் குரூப் டான்சர்களில் ஒருவராக விஜய் நடித்திருப்பார். அன்று பார்த்த அதே விஜய்யைத்த்தான் இன்றும் பார்க்கின்றேன். அவர் மாறவே இல்லை என்பது பெரும் ஆச்சரியம்' என்றும் விவேக் கூறினார்.