close
Choose your channels

எல்லோருடைய வாழ்க்கையிலும் கஷ்டம் கண்டிப்பா வேணும்: விஜே சித்ராவின் லேட்டஸ்ட் வீடியோ!

Wednesday, February 24, 2021 • தமிழ் Comments

சின்னத்திரை நடிகை சித்ரா சமீபத்தில் தனியார் ரிசார்ட் ஒன்றில் தற்கொலை செய்து கொண்ட நிலையில் அவரது தற்கொலைக்கு அவரது கணவர் ஹேமந்த் தான் காரணம் என்ற குற்றச்சாட்டின்பேரில் கைது செய்யப்பட்டார். இதுகுறித்த வழக்கு விசாரணை நடந்து வருகிறது.

இந்த நிலையில் சித்ரா நடித்து முடித்துள்ள முதல் மற்றும் கடைசி படமான ’கால்ஸ்’ என்ற திரைப்படத்தின் வீடியோ சமீபத்தில் வெளியாகி உள்ளது. இந்த வீடியோவில் கஷ்டம் எல்லாருக்கும் வரவேண்டுமென்று விஜே சித்ரா பேசும் வசனம் அனைவரையும் கவர்ந்துள்ளது அந்த வசனம் இதோ:

சில பேர் பஸ்ல கஷ்டப்பட்டு போறாங்க, ஆனா நம்ம ஆபீஸ் நமக்கு கேப் கொடுத்திருக்காங்க. இது ஒரு நல்ல விஷயம் தானே. ஒரு விஷயம் சொல்றேன் புரிஞ்சுக்க முயற்சி பண்ணு. ரோட்ல போற வெயில் சுளீர்ன்னு நம்ம மேலே பட்டால் தான் நாம் நிழலை தேடி போவோம். கஷ்டம்ங்கிறது வெயில் மாதிரி, சந்தோஷம் நிழல் மாதிரி. நாம தானே நிழலை தேடி போகணும்.

அந்த நிழல் பெரிய மரமாக இருக்கலாம், இல்ல நம்மள கடந்து போகிற சின்ன மேகமா இருக்கலாம், அதுவும் இல்லன்னா ரோட்டோரத்தில் பூ விக்கிற பாட்டி வச்சிருக்கிற விளம்பர குடையா இருக்கலாம். அது என்னன்னு நாம தான் தேடணும். கஷ்டம் வரலைனா சந்தோஷம்னா என்னன்னே தெரியாம போயிடும்’ என்று சித்ரா பேசும் இந்த வசனத்தின் வீடியோ தற்போது வைரலாகி வருகிறது.

Get Breaking News Alerts From IndiaGlitz