close
Choose your channels

மே மாதத்தில் 10ஆம் வகுப்பு தேர்வா?

Thursday, April 9, 2020 • தமிழ் Comments

தமிழகத்தில் கொரோனா வைரஸ் தாக்கம் நாளுக்கு நாள் அதிகரித்துக்கொண்டே வரும் நிலையில் ஒன்று முதல் ஒன்பதாம் வகுப்பு வரை படிக்கும் மாணவர்கள் அனைவரும் தேர்வு இல்லாமல் பாஸ் என அறிவிக்கப்பட்டுள்ளது.

மேலும் 12ஆம் வகுப்பு பொதுத்தேர்வு கிட்டத்தட்ட முடிந்துவிட்ட நிலையில் தற்போது 10ஆம் வகுப்பு பொதுத் தேர்வு மட்டுமே நடத்தப்படாமல் ஒத்திவைக்கப்பட்டுள்ளது. இந்த நிலையில் மே மாதம் 10ஆம் தேதி முதல் 10ஆம் வகுப்பு தேர்வை நடத்த தமிழக பள்ளிக்கல்வித்துறை திட்டமிட்டுள்ளதாக செய்திகள் பரவி வருகிறது.

அனைத்து தேர்வுகளையும் பத்தே நாட்களில் நடத்தி முடிக்க கலிவித்துறை திட்டமிடப்பட்டு இருப்பதாகவும் இதனால் 10ஆம் வகுப்பு தேர்வு எழுதும் மாணவர்கள் தேர்வுக்கு தயாராகும்படியும் தகவல்கள் வெளியாகிக் கொண்டிருக்கின்றன. இருப்பினும் இதுகுறித்த அதிகாரபூர்வ அறிவிப்பு பள்ளிக்கல்வித்துறையின் சார்பில் வெளிவந்தால் மட்டுமே சரியான தேர்வு தேதி குறித்து தெரிய வரும் என்பது குறிப்பிடத்தக்கது.

Get Breaking News Alerts From IndiaGlitz