ఈ ముగ్గురిలో ఎవరబ్బా?
- IndiaGlitz, [Thursday,March 30 2017]
ప్ర‌భాస్ ఇప్పుడు వార్త‌ల్లో వ్య‌క్తి అయ్యారు. బాహుబ‌లి సీక్వెల్ రిలీజ్ ఒక వైపు, నెక్స్ట్ సినిమా ప్రారంభోత్స‌వం ఒక‌వైపు.. ప్ర‌భాస్ హెక్టిక్ షెడ్యూల్‌తో గ‌డుపుతున్నారు. ర‌న్‌రాజా ర‌న్ ద‌ర్శ‌కుడు సుజీత్ దర్శకత్వంలో ప్ర‌భాస్ ఓ సినిమాలో న‌టిస్తున్న సంగ‌తి తెలిసిందే. ఈ సినిమా షూటింగ్ మొద‌లైంది. త్వ‌ర‌లో ప్ర‌భాస్ కూడా సెట్స్ కు వెళ్ల‌నున్నారు. రూ.150 కోట్ల బ‌డ్జెట్‌తో ఈ చిత్రాన్ని నిర్మించ‌డానికి స‌న్నాహాలు చేస్తున్నారు.
యువీ క్రియేషన్స్ నిర్మిస్తున్న సినిమా ఇది. ఇందులో నాయిక‌గా ఎంపిక చేయ‌డానికి ముగ్గురి పేర్లు వినిపిస్తున్నాయి. క‌న్న‌డ న‌టి ర‌ష్మిక మండ‌న‌ను నిర్మాత‌లు అప్రోచ్ అయ్యార‌ట. క‌థ విన్న ఆమె పాజిటివ్‌గానే ఉన్న‌ట్టు స‌మాచారం. దిశాప‌ఠాని, శ్ర‌ద్ధా క‌పూర్ పేర్లు కూడా వినిపిస్తున్నాయి. వీరిలో ఎవ‌రు ఫైన‌లైజ్ అవుతారో వేచి చూడాలి మ‌రి...