మహేష్ 25.. షూటింగ్‌లో ఎవ‌రుంటారంటే..
- IndiaGlitz, [Monday,June 18 2018]
భ‌ర‌త్ అనే నేనుతో భారీ విజ‌యాన్ని అందుకున్నారు సూప‌ర్ స్టార్ మహేష్ బాబు. స్వ‌ల్ప విరామం త‌రువాత త‌న త‌దుప‌రి చిత్రానికి సిద్ధ‌మ‌య్యారు. క‌థానాయ‌కుడిగా త‌న 25వ చిత్రంగా తెర‌కెక్క‌నున్న ఈ సినిమా కోసం మహేష్.. డిఫ‌రెంట్ లుక్‌లో క‌నిపించ‌నున్నారు.
ఇదిలా ఉంటే.. ఈ సినిమా రెగ్యుల‌ర్ షూటింగ్ సోమ‌వారం నుంచి డెహ్ర‌డూన్‌లో ప్రారంభం కానుంది. కాలేజ్ నేప‌థ్యంలో సాగే స‌న్నివేశాలు ఈ షెడ్యూల్‌లో చిత్రీక‌రించ‌నున్నారు. తాజా స‌మాచారం ప్రకారం.. ఈ షూటింగ్‌లో మహేష్ బాబుతో పాటు క‌థానాయిక పూజా హెగ్డే, అల్ల‌రి న‌రేష్ కూడా పాల్గొనున్నార‌ని తెలిసింది. ఈ సీన్స్ సినిమాలో కీల‌కంగా ఉంటాయ‌ని స‌మాచారం. ఇందులో అల్ల‌రి న‌రేష్.. మహేష్ స్నేహితుడి పాత్ర‌లో క‌నిపించ‌నున్న సంగ‌తి తెలిసిందే.
వంశీ పైడిప‌ల్లి ద‌ర్శ‌క‌త్వంలో సి.అశ్వ‌నీద‌త్‌, దిల్ రాజు సంయుక్తంగా నిర్మిస్తున్న ఈ చిత్రానికి దేవిశ్రీ ప్ర‌సాద్ సంగీత ద‌ర్శ‌కుడు. వ‌చ్చే ఏడాది సంక్రాంతికి ఈ సినిమా విడుద‌ల‌య్యే అవ‌కాశ‌ముంది.