బాలయ్య హిస్టారికల్ సినిమా చేస్తాడా?
- IndiaGlitz, [Monday,January 18 2016]
99వ సినిమా డిక్టేట‌ర్ సినిమాతో సంద‌డి చేసిన నంద‌మూరి బాల‌కృష్ణ ఇప్పుడు వందో సినిమాకు రెడీ అవుతున్నాడు. ఇప్పుడు బాలయ్య ఏ ద‌ర్శ‌కుడితో వందో సినిమా చేయ‌బోతున్నాడో తెలియాల్సి ఉంది. ఎందుకంటే సింగీతం శ్రీనివాస‌రావు, బోయ‌పాటి శ్రీను స‌హా చాలా మంది ద‌ర్శ‌కులు క‌థ‌లు సిద్ధం చేసుకుని ఎదురుచూస్తున్నారు. ఇప్పుడు హిస్టారికల్ క‌థ కూడా సిద్ధ‌మైంది. ప్రముఖ ర‌చ‌యిత ప‌రుచూరి వెంక‌టేశ్వ‌ర‌రావు త‌న‌యుడు ప‌రుచూరి ర‌వీంద‌ర్ బాలయ్య కోసం హిస్టారికల్ క‌థ‌ను రెడీ చేసి బాల‌య్య‌కు వినిపించాడ‌ట. బాలయ్య క‌థ బావుంద‌ని అన్నాడ‌ట కానీ ఇంకా ఏ నిర్ణ‌యం తీసుకోలేదట. మ‌రిప్పుడు బాలయ్య ఏ నిర్ణ‌యం తీసుకోబోతాడో చూడాల్సిందే..