కార్తితో హిట్ బాంబ్.. క‌లిసొచ్చేనా?
- IndiaGlitz, [Saturday,February 23 2019]
హీరో కార్తికి రీసెంట్‌గా విడుద‌లైన దేవ్ పెద్ద‌గా క‌లిసి రాలేదు. డిజాస్ట‌ర్ అయ్యింది. ఖాకి, చిన‌బాబు చిత్రాల‌తో పాటు త‌ను ఇది వ‌ర‌కు న‌టించిన చిత్రాల‌తో వ‌చ్చిన క్రేజ్‌కు గండిప‌డింది. దీంతో కార్తి ఆలోచ‌న‌లో ప‌డ్డాడు. దీంతో స్క్రిప్ట్స్ ఎంపిక‌లో మ‌రింత కేర్ ఉండాల‌ని నిర్ణ‌యం తీసుకున్నాడు. అందులో భాగంగా శివ కార్తికేయ‌న్‌తో 'రెమో' సినిమా చేసిన బాలాజీ క‌న్నంతో సినిమా చేయ‌బోతున్నాడు.
రొమాంటిక్ ఎంట‌ర్‌టైన‌ర్‌గా తెర‌కెక్క‌బోయే ఈ సినిమాలో కార్తి స‌ర‌స‌న కొత్త హీరోయిన్‌ను తీసుకోవాల‌ని నిర్మాత‌లు భావించారు. చివ‌ర‌కు ర‌ష్మిక మంద‌న్నా అయితే బావుంటుంద‌ని ఆమెతో చ‌ర్చ‌లు జ‌రుపుతున్నారు. త‌మిళంలో మంచి ఇన్నింగ్స్ స్టార్ట్ చేయాల‌నుకుంటున్న ర‌ష్మిక‌కు కూడా ఈ ప్రాజెక్ట్‌పై ఆస‌క్తి ఉంద‌ని స‌మాచారం. త్వ‌ర‌లోనే ఈ విష‌యంపై అధికారిక స‌మాచారం రానుంది.