ఎన్టీఆర్ అందుకు ఒప్పుకుంటాడా..
- IndiaGlitz, [Sunday,February 05 2017]
యంగ్ టైగర్ ఎన్టీఆర్..ఇప్పుడు బాబీ దర్శకత్వంలో ఓ సినిమా చేస్తున్నాడు. ఈ స్టార్ హీరోను నెగ‌టిల్ ట‌చ్ ఉన్న హిర‌ణ్య క‌శిప అనే రోల్‌లో న‌టింప చేయ‌డానికి దర్శకుడు గుణ‌శేఖ‌ర్ ప్ర‌య‌త్నాలు చేస్తున్నాడు. రుద్ర‌మ‌దేవి వంటి హిస్టారిక‌ల్ త్రీడీ చిత్రాన్ని రూపొందించిన త‌ర్వాత గుణ‌శేఖ‌ర్ ప్ర‌తాప‌రుద్ర అనే సినిమా చేయ‌బోతున్నాన‌ని తెలియ‌జేసిన సంగ‌తి తెలిసిందే.
అయితే గుణ‌శేఖ‌ర్ ప్ర‌తాప‌రుద్ర‌తో పాటు హిర‌ణ్య‌క‌శిప స్క్రిప్ట్ కూడా సిద్ధం చేసి స్టార్ హీరోల చుట్టూ తిరుగుతున్నాడు. హిర‌ణ్య‌క‌శిప, ప్ర‌తాప‌రుద్ర చిత్రాల్లో హిర‌ణ్య‌క‌శిప చిత్ర‌మే ముందు సెట్స్‌లోకి వెళుతుంద‌ని, ఈ క‌థ‌ను ఎన్టీఆర్‌కు వినిపించే ప్ర‌య‌త్నం చేస్తున్నాను. ఆయ‌న ఒప్పుకుంటే సినిమా స్టార్ట్ వెంట‌నే స్టార్ట్ చేసేస్తానంటూ గుణ‌శేఖ‌ర్ సింహాచ‌లంలో తెలియ‌జేశారు. అయితే ఫుల్ నెగ‌టిల్ ట‌చ్ ఉన్న హిర‌ణ్య‌క‌శిప క‌థ‌లో యాక్ట్ చేయ‌డానికి ఎన్టీఆర్ ఒప్పుకుంటాడా అనేది చూడాలి.