రాజ్ తరుణ్ ఆ మ్యాజిక్ రిపీట్ చేస్తాడా?
- IndiaGlitz, [Wednesday,April 13 2016]
త‌క్కువ కాలంలోనే మంచి గుర్తింపుని సంపాదించుకున్న యువ క‌థానాయ‌కుడు రాజ్ తరుణ్. హ్యాట్రిక్ విజ‌యాల త‌రువాత ప‌రాజ‌యం ప‌ల‌క‌రించినా.. అత‌ని తాజా చిత్రం 'ఈడో ర‌కం ఆడో ర‌కం'పై మంచి అంచ‌నాలే ఉన్నాయి. మంచు విష్ణుతో క‌లిసి రాజ్ తరుణ్ చేసిన ఈ సినిమా ఈ నెల 14న విడుద‌ల కానుంది. ఈ తేదికి సినిమాని విడుద‌ల చేయాల‌నుకోవ‌డం సాహ‌స‌మే. ఎందుకంటే.. స‌ర్దార్‌, స‌రైనోడు వంటి పెద్ద రెండు చిత్రాల మ‌ధ్య ఖాళీ దొరికిన వారంలో ఆ సినిమాని రిలీజ్ చేస్తున్నారు మ‌రి.
విశేష‌మేమిటంటే.. రాజ్ తరుణ్ రెండో చిత్రం 'సినిమా చూపిస్తా మావ' కూడా ఇలాగే రెండు పెద్ద సినిమాల మ‌ధ్య దొరికిన గ్యాప్‌లో రిలీజై హిట్ అవ్వ‌డం. గ‌తేడాది ఆగ‌స్ట్ 7న 'శ్రీమంతుడు', ఆగ‌స్టు 21న 'కిక్ 2' రిలీజైతే.. వాటి మ‌ధ్య గ్యాప్‌లో ఆగ‌స్టు 14న 'సినిమా చూపిస్తా మావ' విడుద‌లై విజ‌యం సాధించింది. ఈ నేప‌థ్యంలో అదే 14 మ్యాజిక్ తరుణ్ రిపీట్ చేస్తాడో లేదో చూడాలంటున్నారు ప‌రిశీల‌కులు.