சசிகலாவின் கணவர் நடராஜன் இன்று அதிகாலை சென்னை மருத்துவமனையில் காலமானதை அடுத்து பெங்களூரு சிறையில் இருக்கும் அவரது மனைவி சசிகலா பரோலில் வெளியே வர வாய்ப்பு இருப்பதாக கூறப்படுகிறது

கடந்த இரண்டு நாட்களுக்கு முன்னர் சசிகலாவின் கணவர் நடராஜன் நெஞ்சுவலி காரணமாக மருத்துவமனையில் அனுமதிக்கப்பட்டிருந்தபோது, சசிகலாவுக்கு பரோல் விண்ணப்பம் விண்ணப்பிக்கப்பட்டது. ஆனால் பெங்களூரு சிறை அதிகாரிகள் அவருக்கு பரோல் தர மறுத்துவிட்டனர்.

இந்த நிலையில் இன்று அதிகாலை சசிகலாவின் கணவர் மரணம் அடைந்ததை அடுத்து அவரது இறுதிச்சடங்கில் கலந்து கொள்ள சசிகலாவுக்கு பரோல் கிடைக்கும் என எதிர்பார்க்கப்படுகிறது. நடராஜனின் இறப்பு சான்றிதழ் கொடுக்கப்பட்டவுடன் பெங்களூரு சிறை நிர்வாகம் சசிகலாவுக்கு பரோல் வழங்கும் என சிறை வட்டாரங்கள் கூறுகின்றன