close
Choose your channels

మ‌హేశ్‌కు శ‌ర్వా ఓకే చెబుతాడా?

Tuesday, June 23, 2020 • తెలుగు Comments

మ‌హేశ్‌కు శ‌ర్వా ఓకే చెబుతాడా?

నేటి త‌రం అగ్ర హీరోల్లో ఎన్టీఆర్ మిన‌హా దాదాపు అంద‌రూ నిర్మాత‌లుగా మారిన వారే. వీరిలో సూప‌ర్‌స్టార్ మ‌హేశ్ విష‌యానికి వ‌స్తే ఇప్ప‌టి వ‌ర‌కు హీరోగానే ఉంటూ వ‌చ్చిన మ‌హేశ్ జీఎంబీ ఎంట‌ర్‌టైన్‌మెంట్ బ్యానర్‌ను స్టార్ట్ చేసిన నిర్మాత‌గానూ స్పీడు పెంచాడు. త‌న సినిమాల‌కే కాకుండా ఇత‌ర హీరోల‌తోనూ మ‌హేశ్ సినిమాలు చేయ‌డానికి ఆస‌క్తిగా ఉన్నాడ‌ని, క‌థ‌లు వింటున్నాడ‌ని, ఏ క‌థ‌కు ఎవ‌రూ సూట్ అవుతారో నిర్ణ‌యించుకుని వారితో చ‌ర్చ‌లు జ‌రుపుతున్నాడ‌ని వార్త‌లు విన‌ప‌డుతున్నాయి.

ఇప్ప‌టికే త‌న బ్యాన‌ర్‌పై సోనీ పిక్చ‌ర్స్‌తో క‌లిసి అడ‌విశేష్ హీరోగా మేజ‌ర్ సినిమాను మ‌హేశ్ నిర్మిస్తోన్న సంగ‌తి తెలిసిందే. ఈ మ‌ధ్య ఓ క‌థ విన్న మ‌హేశ్‌కు బాగా న‌చ్చింద‌ట‌. ఆ క‌థ‌కు శ‌ర్వాంన‌ద్ యాప్ట్ అవుతాడ‌ని త‌ను భావించాడ‌ట‌. మ‌రి ఇప్ప‌టికే చేతినిండా ప్రాజెక్టుల‌తో బిజీగా ఉన్న శ‌ర్వానంద్‌కు మ‌హేశ్ ఆఫ‌ర్ న‌చ్చుతుందో లేదో చూడాలి. ఇది కాకుండా విజ‌య్ దేవ‌ర‌కొండ‌తో ఓ సినిమాను, త‌మిళ హీరో కార్తితో మ‌రో సినిమాను నిర్మించాల‌ని మ‌హేశ్ భావిస్తున్నాడని వార్త‌లు సోష‌ల్ మీడియాలో బాగా విన‌ప‌డుతున్నాయి. అలాగే మ‌హేశ్ హీరోగా న‌టిస్తోన్న 27వ సినిమాకు నిర్మాతల్లో ఒక‌డిగా మ‌హేశ్ వ్య‌వ‌హ‌రిస్తున్నాడ‌ని టాక్‌.

Get Breaking News Alerts From IndiaGlitz