రాజమౌళి కోరిక తీరుతుందా...?
- IndiaGlitz, [Monday,April 10 2017]
రాజమౌళి ఇమేజ్‌..బాహుబ‌లికి ముందు, తర్వాత అనే స్థాయికి చేరింది. బాహుబ‌లికి ముందు టాలీవుడ్‌కే ప‌రిమిత‌మైన ఈ దర్శకుడు బాహుబ‌లి తర్వాత నేష‌న‌ల్ స్టార్ డైరెక్ట‌ర్ అయ్యాడు. బాహుబ‌లి 2 ఏప్రిల్ 28న తెలుగు, త‌మిళం, హిందీ, మ‌ల‌యాళ భాష‌ల్లో గ్రాండ్ రిలీజ్ కానుంది. సినిమా విడుద‌ల‌కు స‌మ‌యం ద‌గ్గ‌ర ప‌డుతుండ‌టంతో యూనిట్ ప్రమోషన్స్లో బిజీ బిజీగా ఉంది. ప్రమోషన్స్లో భాగంగా చెన్నైలో యూనిట్ సంద‌డి చేసింది.
దర్శకుడు రాజమౌళి బాహుబ‌లిని రెండు పార్టులుగా తీయాల‌ని ముందు నుండి అనుకున్న‌దే, ఈ సినిమాలో పాత్ర‌ల‌న్నీ ప్ర‌జ‌ల్లోకి బాగా చొచ్చుకుని వెళ్ళాయి. ప్ర‌స్తుతం నా ఆలోచ‌న‌ల‌న్నీ బాహుబ‌లిపైనే ఉన్నాయి. నాకు మహాభారతంను సినిమా చేయాల‌ని ఉంది..దాని గురించి త్వ‌ర‌లోనే తెలియ‌జేస్తాను. అలాగే రజ‌నీకాంత్ అంటే చాలా ఇష్టం. ఆయ‌న‌తో త‌ప్ప‌కుండా ఓ సినిమా చేస్తాను అని త‌న భావాల‌ను తెలియ‌జేశాడు ద‌ర్శ‌క ధీరుడు ఎస్.ఎస్.రాజమౌళి. మరి మహాభారతంను సినిమాగా చేయడం, రజనీకాంత్తో సినిమా చేయడం అనే రాజమౌళి కోరికలు ఎప్పటికి తీరుతాయో మరి...