ఎన్టీఆర్ లాగే విజయ్ దేవరకొండ.. మించిపోతాడా!
- IndiaGlitz, [Monday,August 12 2019]
ఇదేంటి టైటిల్ చూడగానే కాస్త కన్ఫూజ్‌గా ఉంది కదా..!. ఎన్టీఆర్ ఒకప్పుడు నటించిన పాత్రలో ఇప్పుడు విజయ్ దేవరకొండ నటించబోతున్నాడు. అయితే ఈ పాత్రతో ఎన్టీఆర్‌ను విజయ్ మించిపోతాడా..? లేకుంటే అట్టర్ ప్లాప్ అవుతాడా అన్నది ఇప్పుడు జూనియర్-దేవరకొండ అభిమానుల మధ్య ఆసక్తికర చర్చసాగుతోంది. ఇంతకీ ఆ పాత్రేంటి..? ఈ కథేంటి..? అనేది ఈ కథనంలో తెలుసుకుందాం.
‘జై లవకుశ’ సినిమాలో మూడు పాత్రల్లో నటించిన జూనియర్ ఎన్టీఆర్ సూపర్ సక్సెస్ అయ్యాడు. ఈ మూడింటిలో నెత్తిగా(మాటలు సరిగ్గా పలకలేని) మాట్లాడే వ్యక్తిగా ఎన్టీఆర్.. అభిమానులను మైమరిపించాడు. అయితే ఇప్పుడు విజయ్ దేవరకొండ కూడా ఇలాంటి పాత్రలోనే నటిస్తున్నారట. ఇది ఎంత వరకు నిజమో తెలియట్లేదు కానీ ప్రస్తుతం సోషల్ మీడియా, వెబ్‌సైట్స్‌లో పెద్ద ఎత్తున వార్త హల్ చల్ చేస్తోంది. ఇదే నిజమైతే ఎన్టీఆర్‌లాగే విజయ్ దేవరకొండ సక్సెస్ అవుతాడా లేదా..? అనేది తెలియాల్సి ఉంది.
వాస్తవానికి గత కొన్ని రోజులుగా విజయ్-పూరీ కాంబోలో సినిమా ఉంటుందని వార్తలు వస్తున్న విషయం విదితమే. సూపర్ స్టార్ మహేశ్ అనుకున్న ‘జనగణమన’ను విజయ్‌తో ట్రాక్‌లోకి తెస్తారని అప్పట్లో పుకార్లు రాగా.. ఆ తర్వాత మళ్లీ ‘కేజీఎఫ్’ హీరో యష్‌తో పూరీ తెరకెక్కిస్తున్నట్లూ వార్తలు వచ్చాయి. ఇప్పుడు తాజాగా.. విజయ్ కోసం సరికొత్త క్రేజీ పాత్ర తయారు చేశాడని.. డైరెక్షన్‌తో పాటు స్వయంగా పూరీ నిర్మిస్తాడని టాక్ నడుస్తోంది. అయితే ఇది ఎంత వరకు నిజమో..? అనేది తెలియాలంటే దీనిపై పూరీ, విజయ్‌లు అధికారికంగా స్పందించాల్సి వుంది.