close
Choose your channels

பார்வையற்ற முதியவருக்கு பெண் செய்த உதவி: உலகம் முழுவதும் வைரலாகும் வீடியோ

Thursday, July 9, 2020 • தமிழ் Comments

பார்வையற்ற முதியவர் ஒருவரை பேருந்தில் ஏற்றிவிட பெண் ஒருவர் அங்குமிங்கும் ஓடிய வீடியோ சமூக வலைதளங்களில் வைரல் ஆகி ஒரு நாள் முழுவதும் உலக அளவில் ட்ரெண்டிங்கில் இருந்தது என்பது குறிப்பிடப்பட்டது

கேரள மாநிலத்தைச் சேர்ந்த பார்வையற்ற முதியவர் ஒருவர் பேருந்தில் ஒன்றை பிடிப்பதற்காக நடந்து சென்று கொண்டிருந்தார். அப்போது அந்த பேருந்து கிளம்ப ஆரம்பித்தது. இதை பார்த்த அங்கிருந்த நடுத்தர வயது பெண் ஒருவர், ஓடிச்சென்று பேருந்து நடத்துநரிடம் பார்வையற்ற முதியவர் ஒருவர் வந்து கொண்டிருக்கிறார். தயவுசெய்து பேருந்தை நிறுத்துங்கள் என்று கூறுகின்றார்.இதையடுத்து அந்த பேருந்து நிறுத்தப்பட்டது 

பின்னர் அந்த பெண் மீண்டும் முதியவரிடத்தில் ஓடிச் சென்று அவருடைய கையைப் பிடித்து வந்து பேருந்தில் ஏற்றி விடுகிறார். நடத்துனரும் அந்த முதியவரை பேருந்தில் ஏற்றி பாதுகாப்பான இடத்தில் உட்கார வைக்கிறார். அதன்பின் பேருந்தில் முதியவர் ஏறி உட்கார்ந்து விட்டதை உறுதி செய்தபின் அந்த பெண் மீண்டும் தன்னுடைய வேலையை பார்க்கச் செல்கிறார்

41 வினாடிகள் மட்டுமே ஓடும் இந்த வீடியோவை நேற்று கேரளாவை சேர்ந்த நெட்டிசன் ஒருவரால் சமூக வலைத்தளத்தில் பதிவு செய்யப்பட்டது. அதன் முன் இந்தியா முழுவதும் வைரலானது. ஒரு சில மணி நேரங்களில் உலகம் முழுவதும் இந்த வீடியோ டிரெண்ட் ஆனது. இந்த வீடியோவில் இருக்கும் முகம் தெரியாத, பெயர் தெரியாத பெண்ணுக்கு நெட்டிசன்கள் பாராட்டுகளை குவித்து வருகின்றனர்

Get Breaking News Alerts From IndiaGlitz