'லால் சலாம்' படத்திற்காக சொந்த குரலில் டப்பிங் செய்த உலக கோப்பை வின்னர்.. வைரல் புகைப்படம்..!
- IndiaGlitz, [Thursday,November 23 2023]
சூப்பர் ஸ்டார் ரஜினிகாந்த் நடிப்பில் அவரது மகள் ஐஸ்வர்யா ரஜினிகாந்த் இயக்கத்தில் உருவாகியுள்ள ’லால் சலாம்’ படத்தின் டப்பிங் பணியில் உலகக் கோப்பையை வென்ற இந்திய கிரிக்கெட் அணியின் முன்னாள் கேப்டன் இருந்த காட்சியின் புகைப்படம் இணையத்தில் வைரலாகி வருகிறது.
சூப்பர் ஸ்டார் ரஜினிகாந்த் சிறப்பு தோற்றத்தில் நடிக்க, விஷ்ணு விஷால் மற்றும் விக்ராந்த் ஆகியோர் நடித்த திரைப்படம் ’லால் சலாம்’. இந்த படத்தின் படப்பிடிப்பு முடிவடைந்து தற்போது இறுதி கட்ட தொழில்நுட்ப பணிகள் நடைபெற்று வருகின்றன. குறிப்பாக இந்த படத்தின் டப்பிங் பணிகள் விறுவிறுப்பாக நடைபெற்று வரும் நிலையில் தற்போது இந்த படத்தில் முக்கிய கேரக்டரில் நடித்த முன்னாள் இந்திய கிரிக்கெட் அணியின் கேப்டனும் உலக கோப்பையை இந்தியாவுக்காக முதலில் பெற்று தந்தவருமான கபில்தேவ் டப்பிங் பணியை செய்தார்.
இது குறித்த புகைப்படத்தை ஐஸ்வர்யா ரஜினிகாந்த் தனது இன்ஸ்டாகிராம் பக்கத்தில் பதிவு செய்து ’இந்திய கிரிக்கெட்டின் ஜாம்பவான் கபில்தேவ் அவர்கள் ’லால் சலாம்’ படத்தின் டப்பிங் பணியை முடித்தார். அவருடன் பணிபுரிந்தது மிகப்பெரிய அனுபவம். நீங்கள் உண்மையிலேயே ஒரு மிகச்சிறந்த கேப்டன்' என்று பதிவு செய்துள்ளார்.
வரும் பொங்கல் தினத்தில் வெளியாக இருக்கும் இந்த படத்தை லைக்கா நிறுவனம் பிரமாண்டமாக தயாரித்து உள்ளது என்பதும் இந்த படத்திற்கு இசைப்புயல் ஏ ஆர் ரகுமான் இசையமைத்துள்ளார் என்பதும் குறிப்பிடத்தக்கது